屋妹兩歲了

屋妹兩歲了

依然精靈乖巧，
感謝各位叔伯兄弟贈予禮物。

祝屋妹體魄強健，不要欺凌家姐。

真係乖到暈

蛋姐噚日好乖
噚日, M忙得要命, 又要忙煲寶寶湯, 又要忙煲B的咳咳湯。屋妹入廚房搞搞震, 喊到鬼殺咁(因為下午沒有瞓覺)。
蛋姐就去廚房拍拍屋妹安慰佢。
點知屋妹發老脾, 一手推家姐。
M就一巴打過去, 鬧了屋妹一身。
屋妹就好可憐咁一面喊一面攬住蛋姐。

蛋姐又好喎, 原諒佢, 又攬住佢。
因為屋妹肥肥, 成個人挨落蛋姐度, 蛋姐有啲唔夠力, 失了平衡。兩姐妹笑笑。
然後, 蛋姐話: 無事啦, 出嚟啦。
咁就帶咗屋妹出去。

以下是M的評語：
我唔得閒讚蛋姐
真係乖到暈
暈咗

BB推車

再上上星期天，

天轉暖，宜出門，四口子，遊公園
大家姐，變小Ｂ，小屋妹，驟變大

人細細，學推車，大啖啖，雞肶

終累了，三美女，大石上，嘆下來

學推車

太累了，勞動後，大啖肉，失儀態

靠大石．坐大石．坐大脾，都係休息中

小遊博物館

上星期，寒雨下，四口子，學文化

展廳內，到處跑，不怕累，嘻哈哈

探知館，樂無窮，遊戲多，不會悶

羽佳展，戲服閃，來拍照，以記念

砌積木

不是積木，是拓本也

摟埋一舊的氹氹轉

行到倦了，坐一坐。
但是博物館地方不可以隨便坐下來喎。

拍照留念，已擺好姿勢。但是有人突然走來，看展品。

係女仔o黎o架

我唔係男仔

係女仔o黎o架

唔該買支旗

為國家，為社會，為自己

今日蛋黃又獻出人生第一次，去賣旗。

早晨，唔該買支旗。
多謝

咦，咁細個就出0黎賣旗
哎喲，依家咁細就出o黎賣旗
嘩，你好乖，賣旗
你幾多歲
你好叻

唔理點樣都好，人家說什麼都好。這是對蛋黃一次寶貴經驗，亦證明她尚待磨練。

一、說話時眼睛沒有碌碌咁望著人
（臨睡前，跟她講了一次如何跟人說話。仲得意的，頭轉向左，講拜拜。
唔該蛋黃，我o係你前面講緊o野）
二、"唔該買支旗丫"，o係企响二米之外，手伸長著，冇焦點，唔知同邊個講。
三、俾旗仔人時，竟然哼著歌仔，究竟蛋黃你做緊什麼

賣旗不單只讓你負起社會責任，亦要俾你學習與人溝通。唔緊要，漫漫長路，下年再來過。

蛋黃金句（一）

你唔好鬧我呀

如果唔係天父唔愛你0架。

世界女

剛看完B的日誌, 可見屋妹近日的語言能力真是一日千里。

屋妹今個月尾滿兩歲, 已經會講很多東西 (雖然咬字不清)。例如, 夜晚給她說睡前故事, 她會指著書中的小燕子說：

雀仔點解喊0既?

前兩朝早, 一大早起身, 心情奇好, 跟M說：

掛住M

未幾, 見到B, M當然要向B炫耀一下, 屋妹突然改口：

掛住M, B

真識見風轉舵。

吃了語言大力菜

屋妹最近的語言力發育異常地快。好像食了大力菜一樣，一下子語言大力左。

M：妹妹最錫邊個

屋妹：妹妹爸爸（平時的標準答案係：妹妹）

（嚇到M急急腳走過蛋姐房，吵醒B與蛋姐告知，因為居然無M份）

唔好喊

昨日中午，蛋姐午睡中驚醒，一直由B抱著安睡，當然會特別扭計。同時，屋妹也被蛋姐突如其來的驚哭，弄醒了。

抱著蛋姐，又話唔舒服，又話窄。(因為B坐在飯枱前看著憂心的電郵）蛋姐不斷投訴，最後B按奈不住，將蛋姐放在地下的屋妹旁。

蛋姐坐地開始大哭。剛巧屋妹排洗完畢，站在蛋姐前，眉頭一緊，望著她，說：

唔好喊

B與L保姆O了咀，不知給蛋姐什麼反應。

或許O咀的應該是蛋姐自己吧！！！