春雨綿綿

春雨綿綿
沒有
今天滂沱大雨下，寒著等巴士。蛋黃話我隻襪濕了。
真係有啲衝動，叫佢瞓多一陣間。唔好番。
氣溫只有十度左右。真係好凍，仲有落雨呢

小朋友都提前食糭了

生日快樂

屋妹始終未能完全康復。
不過排除萬難，回校只為開生日派對。

祝你身體健康，開心開心。

生日禮物

每日跟進屋妹病情。

屋妹真係反覆，夜晚又咳得非常利害。照情形看，明天生日，都要搵她的家庭醫生同佢慶祝一吓。
不過，可能她最近非常扭計，成日喊，搞到佢未有好轉。

希望明天她會好啲，下午參加生日派對。

雖然如此，今天同她一起買生日禮物，原以為她會為芭比添購新衣。誰不知她轉了幾個圈，竟然愛上顏色筆，可能受了蛋姐的薰陶，開始對繪畫有啲興趣。蛋姐見屋妹如此雀躍，本來也想為芭比買新衣裳，也買了靚靚顏色筆。

兩位美少女盡興而歸。

學校與家的寶寶們

學校真是一個奇妙的地方。
日本漫畫鍾情將夜晚的學校變為陰森恐怖的地方，不可思議的怪事；也會將之成為一個超人訓練場；又或者是年青少艾們的感情育成地。奇妙的事，往往就在學校裏發生了。

寶寶們的學校也是一個奇妙到你唔信的地方。
今天是半年一度的家長日，聽到孩子在校很乖，非常咁VERY GOOD。
我唔知有無聽錯，還是我不理解小孩，又或是我不理解學校，更有可能我不理解自己。

老師口中的屋妹，很乖，說話不多，好聽話，遵守規則，愛護同學（不過老師話佢曾經“咬過”同學。阿B急不及待就話，佢好鬼熱情，可能係肉緊得黎要錫吓人）。

屋妹自理能力什麼都曉，食飯、去廁所、穿衣服．．．．但回到家之後，什麼都留底左喺學校，無帶返屋企。

蛋黃在學校非常咁遵從老師指事行事，在圖工角畫畫十五分鐘，竟然在老師叫喚之下，馬上收拾東西。是一個很好很乖的學生，常受老師讚賞。當然這個較接近現實的蛋。她是一個在師友面前的超級好孩子。一絲也不能差勁，而且仲會踴躍發言，真係估你唔到。

學校真係一個奇妙的地方，而佢哋屋企就布滿照妖鏡，令她們原形畢露。

再腦仔想一想，我哋啲大人都是如此，在老細面前是一隻乖小狗，老細背後是一隻喪狗，鬧到老細不似人形。
再用腦仔想一想，寶寶們已經大過左，明白到不同場合有不同需要，又明白家始終是她們的家，一個令她們無拘無束的地方。

“轟隆”一聲

“轟隆”一聲。
兩點四十五分。

蛋姐從床上跌左落地下，口吐鮮血，跟住喊。阿B即刻抱起佢，摟到實一實，跟住阿M俾左杯水佢，阿B跟住同佢用水洗吓啲血，可憐寶寶。

恐防跌親個腦，今日休學一天。

朝早阿M，同佢BOOK左睇牙。

蛋姐好敢勇，自己坐上張電椅，俾醫生檢查。隻門牙上面啲牙肉腫左。門牙與隔離隻牙有啲郁。見到有裂痕，不過唔知有無撞親啲神經線，牙醫話唔係即刻可以睇到，照一照ｘ光先。好彩無撞親佢隻恆齒。嘩！佢隻恆齒有佢家陣兩隻牙仔咁大。

第一次照x-ray，關埋隻門，蛋姐有點不知所措，提起頭望一望，照唔到。

第二次照x-ray，醫生叫阿B留底，唔好走，按住蛋姐個頭，由得你吸吓啲輻射。不過成功眨眼間，搞掂。

不過都要小心啲睇住佢，因為發炎唔係即刻，可能過了一陣子才發出來。這兩三個星期，要密切注意。如果門牙好上面的牙肉有白色腫起，有可能係發炎的跡像，小心。如果太厲害要將這隻小牙提前人工拔走。

因此，醫生話如果唔放心，三個月再去檢查。

〔這個都是阿B在深夜裏於飯廳工作，沒有做好安全措施，便讓爛瞓蛋一個人睡在房裏，肆意的三百六十度轉轉，最後“轟隆”一聲。
蛋姐同嫲嫲講：阿B跌過我兩次，都唔小心〕

老師都係人哋阿媽

這幾天，屋妹沒有上學。老師們好鬼掛住佢。
下星期一就是屋妹的生日，她的老師都希望她早日康復，能夠在生日會當天回校。最緊要這幾天多休息，為著就是星期一。
或許老師都係人哋阿媽，都希望孩子能有一個快樂的生日天。

最近每天與蛋姐，放學回家，看著病了很久的屋妹，一個人喺屋企好可憐，可寂寞，不過佢又好頑皮，搞到屋企（其實喺佢兩姐妹的小天地）七國咁亂，證明佢精力旺盛。跟住又同蛋姐一齊扮”媽咪” ，同佢哋啲”BB”坐係診所到，等睇醫生，因為兩個BB都病了。
可能佢最近病了，去了幾次睇醫生，冇野好做，扮睇醫生啲媽咪。真係好鬼得意，又唔扮醫生，係要扮師奶，仲帶住兩個囡囡去診所睇醫生。
孩子的角色扮演，真係令你摸不著頭腦。 　將蛋姐畫的公主花送給屋妹，等她早日回復十足精力先。

這個小朋友都識吐骨

上星期六，買了一舊寶寶們愛吃的淡水魚。當然阿B努力挑骨，可惜年紀大，又老花，又手震，竟然留有數條骨在碗中，不過這個小孩不簡單，你睇佢幾神氣．．．

神氣樣

口中骨

排排坐的椅子

屋妹的實用藝術。
椅子排排坐

屋妹話：唔好搞，我用膠紙黏住

（係用普通的的透明膠紙黏住，掂一掂就散）

病到膽都細埋

屋妹就快足三歲了。
可惜最近天氣不穩定，她病了。呆在家中。

我們一起向天父祈禱，希望屋妹早日康復，還有她的劉老師與其他小朋友，也早日康復。在下星期一回校一起參加生日會。
可能近日屋病了，特別容易扭計。阿M也容易發怒。於是又專登整鬼屋妹。
事緣昨天，屋妹又扭計，阿M竟然話要用張椅子打她。
又可能屋妹病了很久，心思有少少遲鈍，竟然以為阿M真的要打她，竟然哭了。

　　　　　　　　 喊到．．．要阿M攬住鎮驚。

又奇怪，蛋姐見狀，竟然狂笑。她是否知道阿M要嚇屋妹，屋妹相信了，因此大笑。
還是要打屋妹，蛋姐嚇到傻了，以笑掩蓋驚慌。
　　　　　　　　　佢就嚇到傻笑，但又不失儀態，睇吓佢隻手仔做咩野

語錄

很久沒有寫 誌了。有很多話想寫，點知最後用了最好的借口唔寫：

忘！！！！

整理一吓，寫番先。

蛋黃語錄：

事緣有一天，B照常帶著孖寶下課回家途中，乘專線巴往火車站。

上了車，乘客甲：司機，泳池有落
蛋黃：咁凍，點解哥哥，仲游水．．．．

屋妹語錄：

食緊飯時，成日掛住玩，B話左佢幾句．屋妹即刻黑面
屋妹：唔鐘意B，走開，唔鐘意，我自己食飯

B即時，將頭轉向蛋姐，同蛋姐摟作一團。屋妹見狀，
屋妹：我好鐘意B，B你好靚仔，你餵我食飯。（眼睛係含晒情咁，同B講）

我企响出面唔開心呀

噚日過完年第一日返學, 新春團拜。各班小朋友表演節目, 家長看得開開心心, 相機, v cam 週圍飛。

第一班表演係蛋姐, 順利完成。
第二班表演係屋妹。

之前, 見屋妹班出嚟, 唔見屋妹。M即刻飛過去問老師, 原來係排洗ing。途中撞見屋妹, 屋妹興奮地大叫 "媽咪"。好有精神。

但出去表演時, 屋妹企响度, 無晒表情, 頭望望又唔做動作。十分奇怪。

後來回家M問屋妹, 點解唔表演
屋: 我企响出面唔開心呀。
M: 點解唔開心呀?
屋: 妹妹見唔到媽咪唔開心呀。
M: 吓, 你見唔到我架? 我好努力同你揮手喎。你無見到爸爸咩?
屋: 無呀, 妹妹見唔到媽咪同爸爸唔開心呀。
(因為B掛住拍片, 無同屋妹交流, 屋妹見佢唔到。M則被人群掩埋, 看不到)

估唔到屋妹平時成個惡霸咁, 原來係咁delicate的。唉!