借錢還完卡數又可以再買過

昨天，蛋屋好驚驚好辛苦咁演完佢哋人生第一場戲。
蛋紮住個花旦頭紮到無晒表情，頭好痛。
屋話有少少驚，不過佢忍住。
演完後，女麻女麻奬咗利是仔俾佢哋，每人$100大元。蛋姐係十足港女，最鐘意禮物，於是嚷著要用自己錢買禮物。
去到一間平民化精品店，M已提醒佢身上只有$100蚊，只可買$100或以下的禮物。
屋妹買咗公主文具套裝，盛惠$28。
蛋姐想買懶懶熊，因為似足自己咁懶。但毛公仔要$148，我哋兩個好似賊咁細細聲討論點算。
蛋姐想問我借錢買，但我就同佢講，咁同電視入面借錢買嘢啲姐姐有乜分別。佢都明白，於是問B點算。B反問佢想點，佢又話想問B借錢（即係無反省）。B居然慈父多敗兒真係想借俾佢。我即係黑面制止：

B：我先幫佢出，佢返屋企用錢罌啲錢還返俾我。
M：佢錢罌無咁多錢。

B開始好不滿，點解$48都要同蛋姐計較，佢咁乖咁辛苦演完一場戲，點解唔可以奬勵佢，佢只係想要一個百零蚊的毛公仔，點解唔可以買俾佢......以上都係B心想而已，不敢當面同M講，但佢眼神已講晒以上所有嘢。我就同B講，要蛋黃知道自己有$100蚊，就只可以買$100蚊嘢，唔係第日就好似某某財務公司啲廣告一樣，借錢還完卡數再shopping。

然後，我哋幫蛋黃揀咗兩隻縮水的懶懶熊，一隻$55蚊，兩隻剛剛$100大元。我問佢想買一隻留返$45聽日再買貼紙，定係用晒$100蚊買兩隻。佢選擇要兩隻，咁就俾佢買，佢好開心。

父母家訓：先駛未來錢，吃虧在眼前。

今天上演了一齣好戲

背景：Ｂ昨天出發到省城開會去，一連3日。昨晚是一屋女人的第一夜。

場景一：Ｍ下班回家吃過晚飯已經七點差十分。
Ｍ：蛋，練琴了沒有。
蛋：我在執書包喎。
Ｍ：咁屋妹練琴啦。

 (屋妹好乖咁去練習。蛋黃執完書包......)
Ｍ：蛋，沖涼先。
蛋：咁我係唔係等屋妹沖涼時我至練琴。
Ｍ：係呀，你去攞衫然後排洗啦。

場景二：套房入面

(蛋快心快腳咁入廁所。蛋黃準備沖涼之際，屋妹手持一本故事書入房......)

Ｍ：又做乜唔練琴呀
(屋妹可憐兮兮的樣子)
Ｍ：係咪想响房入面睇書呀
屋：係

(Ｍ幫蛋沖完涼，穿好上衣......)

蛋：媽咪，今晚好涼，我想浸腳（即足浴也）
Ｍ：唔好，爸爸唔响處，等爸爸返嚟先。(大喊) 屋妹沖涼

(蛋黃自己抹乾對腳，著好底衭仔，搽好cream同面cream，著長衭，著外套，梳頭，出土練琴)
(屋沖完涼，Ｍ重覆幫蛋做的事情。屋妹自己理自己之際，Ｍ沖涼）

場景三：床上

(Ｍ幫屋妹吹頭）
蛋：媽咪，我想聽呢個故仔。(屋妹的故事書)
Ｍ：好呀，你先整好枕頭被舖。
(Ｍ幫蛋黃吹頭）
屋：媽咪，我想聽故仔。(又係嗰本書)
Ｍ：好呀，你先整好枕頭被舖。

(大家在床上準備就緒)

蛋：媽咪，我想聽第二個故仔。(門神故仔)
屋：我想聽第一個喎。(年獸阿儺)
蛋：呢本書你睇過咁多次，佢我揀先啦。
屋：(大哭)唔制，我要聽第一個呀....鳴鳴鳴
蛋：好啦，好啦，講第一個啦
Ｍ：家姐今次就咗你，你要點講呀？
屋：多謝家姐。

(大家快樂地聽故仔，聽完故仔睡大頭覺去）

人靠衣裝

屋妹幾咁可愛, 二十世紀60-70年代的造型

這是化粧前, 好似瘋婆子.......

古典美人

因為聖誕表演要出海報，老師要求一張化了粧的相片，因此，在蛋黃生日之際，M出動所有碼頭，B就出動他的玩具單反，結合了這張超靚相。

M看著真是愛不釋手，蛋黃真係靚得好古典，好優雅。

次級小宇宙局部爆發的連鎖反應動作

屋妹，雖然小。

但近期的表現真的令你刮目相看。

她的芭蕾堂的指定動作，被老師讚賞，為全班能做足的好學生。

她的粵劇之聲，也漸入佳境，她的正德皇，也好了很多，雖然有時會只做動作忘記歌詞。

小腦袋的小宇宙開始有化學反應了。看書識字也有進步。



可以說這階段，稱為：次級小宇宙局部爆發的連鎖反應動作。

不過她的脾氣，依然是如此，沒有改善，都係有一陣異味。＞＿＜

放一放

小孩已長大了。

她們有自己的思維方式。即使會說要爸爸媽媽。

生氣時仍會說：你核突；你好煩；我唔鐘意你........很多令你生氣的說話。

或許是時候，坐下想一想。
孩子已經大了。她有自己的思維模式，未必一定對，但也要讓她自己想一想，行一行。

或許父母們捉她太緊，或許不是怕她受傷，也許是怕陪她看醫生，等很久很久。

午夜夢迴時，看著，很苦惱的因病而睡不好，而心煩，鬱悶。開始自責：為何不好好自著她。

孩子日漸有自己的思維，爸媽的已塞不進去，她們多以大吵大嚷的拒絕聽你說話，你的話說變成＂煩音＂，不再是兒時的悅耳兒歌，不愛就是不愛，是沒有灰色地帶，也沒有商量餘地。她們這個時候，如去街市買菜，將會是最適合人選，跟人講價：鐵價不二，不賣拉倒。

若為人如此，那將會是如何，去街市買菜，只是腦袋一閃的佻皮話。如果她這樣對著你，不聽便拉倒，屆時只見地上滿是口中的鮮血，被她們邀到嘔血。

最近也不玫嘔血，原來被孩子刺激，會令到身心鬱結，氣難消，胃口下降。真是孩子，令你歡喜，令你憂，也可讓你死。

或許，我的手太緊了，手也出了太多汗，不如放鬆一點，透透氣，大家也會好點。

同志，撐住，頂硬上

轉眼間，蛋黃已做了小學雞兩個月了。踏入十一月又快六歲了。

上學對她來說真係挑戰，早睡要早起。幸好她仍然係一個好
同志，撐住，頂硬上。

早上等車的時候，她是等巴小朋友中，最精靈一個。其他的打瞌睡，講沒禮貌說話，流著口水吃面包，還有給爸爸抱著睡覺，睡到裙都摺起了。

她就是一個名副其實的小學雞，不斷的走來走去。

不過，有時回到家，大約四、五時左右，也見到她疲態畢露。

上個月，她不幸染病，病倒了。多可憐。每晚咳到睡不寧。黑眼圈，你給她ＳＳＩＩＩ也補不了多少。我見尤憐。

有一個星期，她要默書，她哭著說：我太累了，睡著。。。我有溫書。。。嗚嗚。。。

你看，真的哭了。（是我）

默書、測驗。。就好像家常便飯，像她的午飯餐單，每星期都有特色，但是隔了一星期就不斷重覆，

今個星期，測英文，考聽力
下星期，測中文，默英文
下下星期，默中文，測數學。。。。。

好像，她已比其他小朋友好運，沒有那麼多功課，也沒有那麼多測驗、默書。所以，

同志，撐住，頂硬上

總算，迄今為止，她仍愛上小學，常跟我說在學校做什麼

最近總說，我快生日了，我要去校長處拿書（她的校長說，小朋友生日可以到她的辦公室拿一本故事，作為生日禮物）

有人跟她玩，有人打她。有老師讚她，有老師罰過她（只有一次），有欠帶書本，有在手冊上草書

牛膳問卷！！！！！！！！！！！！！！

她都可以寫得出。

小學生就是這樣，繼續

同志，撐住，頂硬上

我死了

有一天，B說我就快死。

蛋：好嘢，爸爸死左

屋：爸爸唔好死，我掛住你

B：多謝你，原你最錫我的是你，屋妹

屋：到時你老左都會死

B：＞＞＞＞＞＞＞＞＞＞＞＞＞＞＞＞＞＞＞＞

唔關我事

這天，屋妹又扭計，又喊。

Ｍ又如常地責駡她。

Ｍ：成日喊喊喊！
屋：我無扭計呀，係啲眼淚自己飛出嚟，唔關我事呀！

Ｏ咀。

我都肥架

屋妹自小珠圓肉潤，鐘意性感衣著。但近月成日病，咳到人都瘦埋。

屋：媽咪，我無晒裙啦。
Ｍ：咁買過囉。但就嚟冬天啦，唔著得裙，等夏天先啦。
屋：好嘢，我要自己揀。
Ｍ：係喎，家姐有好多裙，咁靚，唔好咩？
屋：......家姐啲裙好熱架。
Ｍ：你鐘意吊帶呀？但你病到瘦晒，著得唔好睇架。唔驚，冬天食多啲嘢，肥番就得。
屋：其實我唔講嘢果陣，面珠都好肥的。

笑死。

我隻眼好衰

屋妹經常用各種藉口要跟M一同入睡。

這天, 她又在公主蓆上看書。

M: 做乜仲唔瞓呀?
屋: 我想睇書。
M: 你又唔識字, 好心你睇書睇下字, 識下啲字啦。
(突然, 屋好唔開心, 七情上面咁......)
屋: 我隻眼真係好衰0既, 成日自己會無端端睇咗公仔。

M O晒咀, 無以應！

春光燦爛牛魔王

曾經有套電視劇:春光燦爛豬八戒

不知道點解叫呢個戲名, 也沒有去追看這套肥皂劇。只係被她的戲名吸引著。

屋妹以下的照片,都可以用上,不過要改改字眼:

***春光燦爛牛魔王***

妹妹前陣子, 病了很久, 面豬肉都冇埋。不過依然笑面迎人, 你睇吓幾超可愛。

同時, 脾氣依然咁大, 又依然咁鐘意家姐, 和佢阿媽..............

開學一個月

開學禮第一天,下午回幼兒學校接妹妹放學前

 9月30日，轉眼間蛋黃去小學一個月了。

總體來說，她適應了。我也適應了五點半起床，真是超早。

 

太陽都還未出來。

 她還是那樣，延續幼兒園的神話，老師與同學都讚賞她，願意和她做好朋友。老師說她願意舉手答問題，守規的好孩子。找了一個好同學。遇見到一個好校長，一些會踢她屁股的同學，會問她借筆的同學。還有多同學。。。。

不過，她還是麼「大頭蝦」，忘記帶書，不知道老師說什麼，還忘記做功課。

 小學生活對阿B來說，是非常新鮮，跟三十多年前的生活，不可同日而語，就好像自己上小學一樣。真係心驚膽震。

什麼都不知道她在上什麼，學校有什麼活動。最重要都不知道蛋黃在做什麼。有時問她，她會叫你自己想一下，或者老師係咁樣講，唔知。。。。

 

現在，學校給家長的印象：通告與收費。簽名，簽名，簽名，交錢，交錢，交錢。

不過她還是享受著小學的生活

 路途遙遠。。要早睡早起，辛苦她了

一同看粵劇

今天沙田大會堂舉辦了親子粵劇欣賞。

幸運地 女麻 女麻 人面廣，索得免費戲票三大張。

於是這個責任又落在阿Ｂ身上，和她們，即蛋屋雙妹o麥去沙田了。

當然蛋姐非常專注 ，令到坐在後面的Ｃ９垂涎，希望蛋姐能夠加入劇團，即使阿Ｂ她已加入大埔某劇社，仍然用她三吋之舌，說這個劇社，也有大埔人，參加ｌａ

真係唔怕貨比貨，最怕遇上這件搶手貨。

屋妹則不斷扭動身體，看看看

只有看到楊門女將之英姿：大叫：多啲！多啲！多啲！

才有較大的反應。

真係英姿沒法擋。

坐校車的第一天

蛋黃經過兩星期的暑假

今天終於去小學了。兩星期的不安心情終於要放下了。

０５５５起床，很順利的上了小巴，再往下的校巴集合處。

見到一架又一架校巴經過，見到兩架校巴接唔到人

見到一個肥哥哥，無禮貌的他如何超無禮貌稱呼自己的女麻女麻：豬咁兜

最後她坐進，聯合國校巴，離開，

捨不得，感覺得到女兒突然之間長大了

她一個人坐上小巴，再不用依偎在爸爸的懷中，一個小豆丁坐在校車最後排的單人座，走了，上學去了。

從這一刻她要離開我了。

屋妹一人上學去

與蛋陪伴兩年的學校生活。
今天長大了，一個人去上學，不過依然是孩子模樣，嚷著要爸媽抱著。

她還是她口中的ＢＢ，還未長大。

回到學校她的鞋子櫃竟然轉了新位置，去了蛋姐三年來一直使用的鞋子格，可能是老師給她的一點鼓勵，努力，

長大了，向前走

給孩子上的課

以下是準備向幼兒學校投稿。由於M認為古文是明末楊繼盛行刑前，給兩兒的遺書：書付尾箕兩兒。

認為不吉利，所以不容許刊載。那就此作罷，但我也希望孩子倆有機會自己能看看。

但這也是一個人的基本處事態度，如果人人能夠做到半成，（十足真的很難做到）社會也會相對地安穩。

讀書的事，我不懂教；待人之事，我不熟知。但我在學時，老師教我待人處事的文章（楊繼盛：書付尾箕兩兒），我還記著，到了今天還在努力學習，希望有一天可以做到：

與人相處之道，第一要謙下誠實。同幹事則勿避勞苦，同飲食則勿貪甘美，同行走則勿擇好路，同睡寢則勿佔多床席。寧讓人，勿使人讓我；寧容人，勿使人容我。人有恩於我，則終身不忘；人有讎於我，則即時丟過。見人之一善，則對人稱揚不已；聞人之過，則絕口不對人言。

我相信，你們現在一定不明白說什麼，我亦不期望你能明白全部，只希望你牢牢記住每一行，每一字。希望有一天，你們可以做到。

別了，幼兒園生活

這幾個月，蛋黃總是說：唔想升小學，要繼續喺救世軍。

但始終她要畢業了。

今天她不去興趣班，回學校，回學校上課，回幼兒園，上最後一天課，事實上已沒有任何教授的課程，只是玩吓，還有完成一些未完成的作業。

如常地，今天又是進入課室，接她回家，看見了．．．

她最愛的老師哭了。眼睛都紅了。

蛋黃走前抱著她，捨不得。看到蛋黃的眼睛失滿了迷惘，她知道要離開了，好迷惘。

她沒有跟老師們影相。只跟校長拍了一張照片。

她沒有哭，但她捨不得。

走到巴士站，要排洗，第一天跟她說，走前要排洗，今天最後一天，她仍然沒有記著。

走到巴士站，忘記了同學贈送給她的照片，今天最後一天，她依然是一個冒失鬼。

她想老師嗎，想找借口回學校嗎。還是捨不得。

她捨不得，她的眼睛說捨不得。

她最愛的老師送了一張照片給她，在車上她嚷著要我為她朗讀，她沒有說話，靜心的聽。

她說：我很想念老師。

這夜，她趕著寫一些紀念咭給老師，同學．．雖然累，她還寫多了一張咭，給她的好姐妹。

別了，幼兒園生活。

祝願她有更好的學習生活。

主恩常在。

愛不是用咀巴,便可以

M: 喉嚨有啲唔舒服，我病了。
B: 咁，快啲去食藥。
M: 吓，你唔愛我啦．．．
B: 點解．．．
M: 淨係叫我食藥，都唔關心我．．．
B: 哦．．．咁，可憐ＢＢ，咁可憐，病左呢

蛋黃: 做乜嘢呀?
B: M話佢病咗, 我唔關心佢, 即唔愛佢喎。
蛋黃: 同你一齊住已經好愛你喇。

原來如此。

你唔係我主人，我唔係你小狗

真係唔明白依家啲細路係咪加工食品食得太多, 食壞咗個腦, 搞到咁反叛。

以前又話反叛期一般係青春期, 點解蛋黃的反叛期提前到幼稚園?

話說現在幼稚園舉行小一模擬, 扮小學生, 無得瞓晏覺。所以, M要求蛋黃8:00就上床瞓。如是者, 7:30就要沖涼了。當日, 蛋黃應該係好攰, 又想玩, 叫佢沖涼佢發晒 ti 騰。B就開始大悲咒。B 0既大悲咒唔係對付蛋黃, 係M的金剛圈, M一聽到就頭痛。於是, M從廚房衝出, 要蛋黃馬上沖涼去。蛋黃當然唔理, 繼續你也 ti 騰佢也 ti 騰嚎哭。

於是乎, M就一手捉咗佢去廁所。誰不知, 蛋黃好嬲, 一面去廁所(沖涼前指定動作), 一面向M大叫：

你唔係我0既主人嚟, 我唔係你隻小狗呀！

M頓時當頭棒喝, 點解咁細個細路, 會知道呢個道理。唔係話父母有十年保鮮期嗎? 點解我只得5年?

好深奧啊！

B在客廳也聽到這一番話。剎那間, 我倆無以應。

畢業了

恭喜你 ！

蛋黃畢業了，如老師所言，這是她人生中第一張畢業證書。以後她將經歷餘下三個重要的日子。

小學、中學、大學的畢業日子。

我沒有想過這是她的重要日子，因為這是她人生中的其中一天的特別日子。


日後，不知她的路如何走，她的媽媽正為著她鋪著石路，讓她慢慢走，路的目的地如何，方向、里數，怎麼樣，誰知曉，這都是靠她自己的小腳仔去走。

只願天父帶領著她走上正確的道路，而且常懷感恩之心往前走。

無悔於天父，無愧於自己。

記著這三年，老師對她的照顧與教導。

感謝老師。

我也在此向三年來教導她的老師，嬸嬸，致以無限謝意，文字和說話只是形義上的東西，話再多，也不能表示對她們的謝意。

只有繼續走她們的路，去教導蛋黃，讓蛋黃知道幼兒園老師、嬸嬸永遠與她常在。

感謝

因為我個樣．．．．．

最近蛋姐成日發脾氣，情緒不穩。

都唔知咩事幹。尤其是對住B，好聲好氣，永遠唔聽。梗係要出動阿M 的五雷轟頂，獅子吼，佢先至稍稍安定下來。

終於有一天，B就同M講，究竟咩事，最近蛋黃好似唔鐘意我咁．．．

於是M就問蛋，最近咩事情

M：最近你做咩，成日忟憎，點解唔鐘意B了
蛋黃：我無唔鐘意B
M：但你成日發B脾氣喎
蛋黃：我都唔知咩事咁忟憎，
我見到B，個樣咁似我，好就諗起自己，咁咪又忟憎佢。

真係莫須有的二十一世紀最新詮釋，因為人哋個樣似自己，而去忟憎人哋，
真係世界之大，無其不有．．．

藥係苦

又飲苦茶,

兩寶又病，要飲苦藥了，蛋黃中暑，搞到大便出血；屋妹咳左幾個星期。

又去幫襯婆婆了，吓佢只貓。

話說飲藥，因為太苦了，加了一些糖冬瓜，可以容易入口。

當然餵藥仍然係一種挑戰．．．

B：飲藥la，我加左糖冬瓜，甜o架

屋妹：甜咩啫，藥梗係苦o架 la

花藝創作

屋妹的俏皮樣子, 很難想到她會學插花, 裡內裡外都不是屬於這類的人。

她選擇的心之花是玫瑰。

看粵劇

蛋姐期待已久看粵劇，可以看了。

剛過去的星期天，蛋姐與女麻 女麻一齊去看”盤古初開”

全家總動員出發去沙田，與女麻 女麻用過午膳後，急不及待去到表演場地。

動員一百多位的表演者，令小小年紀的蛋黃看到目不轉睛。完場後，雖然樣子略有倦容，但依然可見其雀躍之情，表露無遺。還希望可以再看粵劇。



當然是由女麻 女麻帶她前去觀看，我們就坐場外，呷口咖啡等她們．．．



蛋姐與屋妹盛裝出場，雖然屋妹年紀尚小，未能入場，也盛裝出席支持。



屋妹影相姿勢一絕

與女麻 女麻合照



去街

幾個星期前 ，屋妹很開心去街。

一開始很努力揀件靚衫。又要搵帶埋粉紅靚草帽，配埋粉紅碎花裙。

只不過去睇醫生，著得咁靚為咩。可能她很久也沒有去街了，她真的很興奮的。

今日結婚

實在是太忙了, 工作忙, 請新工人忙, 蛋屋病咗又忙,

總之, 忙忙忙......因此, 忘記了結婚紀念日。真的是徹徹底底地忘記了。

幸好, 今早一覺醒來, 蛋黃跟B講：

你哋係咪今日結婚呀？

多謝你, 小蛋黃。

芭蕾大考驗

今天是蛋黃努力左一年的，大考驗

芭蕾舞考試

全家人好緊張，昨晚好早睡

今朝好早起來，阿M早來為她裝身，主要係SET 頭。真係超認真。

最後好緊張，為她買了新芭蕾衫及裙，襪，新髮夾。

不過芭蕾舞老師話條裙有啲折，因為今天剛拆開，仲見到摺痕，要即燙．．．呵！呵！

三十分鐘完成，聽聞芭蕾舞老師笑著離開，好滿意．．．

情侶好熱裝

話說前幾個星期,蛋姐要求與B穿著情侶裝

真係好熱

仲著住眾人制服,黑間條灰色褲

真係好熱, 佢自己都話熱

間條褲人, 真係好襯..................
仲有件衫係灰色,仲加埋帽呢...................好熱

蛋姐話你知

學校近日以"水"作專題, 話俾你聽珍惜用水。
蛋姐話: 妹妹在家洗手後, 啲水會過濾再用, 淋花。跟住再流入大海裏面。

樹下面有她, 爸與媽。

佢都係少女O黎O架

估唔到, 頭髮跌左落O黎, 都拍到有少女感覺, 呢執頭髮, 真神啊!!!!!!!!!!!!!!!!!!!

第二季音樂欣賞日

老師贈送各同學的小禮物

不經不覺,已上了大半年的音樂課, 老師說比上季彈得更好。

可惜, 阿B係樂理的迷途羊,有幸阿M係音樂上的航海燈, 令蛋依著指引, 達到理想成績。

吹泡泡的少女們

一個爸爸兩個畫法

有爸爸,媽媽和自己、妹妹,不過自己就係爸爸懷中是也

屋妹的爸畫像

好得意的髮型

throw away bobo

星期六下午，蛋姐胃口不佳，餘下半碗面條吃不完了。

保姆正餵著屋妹吃面條，見狀．．

保姆：is it no need? throw away bobo
M: Yes, throw away bobo

屋妹面色一沉，向著M，係唔係掉左家姐佢

M: 你自己同保姆說吧．

屋妹向保姆說：你係唔係掉左家姐

保姆當然唔明白屋妹問什麼，

最後，由M向保姆解釋。

大家六眼相對而視

無言

無題

突然翻開日誌，原來很久沒有日誌，

這個月交了白卷。不過兩寶的事情卻一件接一件事而來。

她們又病了，差不多病了半個多月。

早放學，為了準時吃藥。

去醫生處，如同回自己娘家一樣，熟落到不得了。

屋妹仲喺醫生面前扮鬼扮馬，

誇張到，一入醫生房，就爬上椅子攞糖果，俾家姐

真佩服。

又試過，下雨天，一爸頂二寶，由信和走去火車站，她們倆個竟然常開心

又在火車站中途下車，等阿M下班。

孩子大了，不過還是需好需要媽與爸。

元宵活動

康文署舉辦了一年一度的元宵節目。

為了讓兩寶明白什麼叫年宵，於是在她們上完音樂課後，吃過簡單包便出發去粉嶺，去了．．．

不過俾M一語道破，中秋與元宵都是燈會，加上文娛節目有什麼分別呢

對，係冇分別，不過在元宵一定唔會見到嫦娥同后羿。

去到，當然兩寶被五光十色的燈飾吸引，不過都不及粵劇化妝示範，蛋姐竟然厲害到看畢全程．．．．

妹妹生日快樂

緊張切

蛋姐真係好鬼搶鏡。明年不知有沒有時間與妹妹慶生辰呢

0靚 模

每年新春赤口, M都會跟自己書友仔一年一聚。成班小朋友節目之一是大合照。

屋妹真係有0靚模 feel。大人們影了差不多5分鐘相, 屋妹就一直保持住這個姿勢及笑容, 沒有變過, 一直望著鏡頭。

強！

恭賀新禧

哥哥音樂

昨日，蛋黃極累，由朝到晚，做做，做到冇停手。
這樣下午小休時，失控。喊了。

早上，由學校組織的親子音樂活動。竟然於B的母校舉行，這個，當然要鼎力支持，真係十幾廿年前，都唔知幾多番新。

由肢體活動，咀名的韻動，小朋友、大朋友都尚算投入。
哥哥音樂透過音樂，讓孩子認識簡單的音韻，從而誘發他們對音樂的興趣，隨著活潑的音律節奏，及肢體上的簡單活動。

加上哥哥的鬼馬動作，更重要的簡單易懂的歌詞，讓小孩很容易的投入。

不過蛋黃好像興趣沒有濃烈，她常說冇其他野玩．．．

可能她預期是”運動會”之類活動，得獎後有小禮物。
相反，她更喜歡，坐在同學仔的私家車回家，兩個有講有笑非常開心。

戒口

妹妹病了一個星期

每晚都咳得極之嚴重,

今日去覆診,醫生說她發耳仔發炎
要覆診,要食抗生素。

咁就要食清淡啲,點知菲律賓保姆仍然愛炒,

同佢講左要清淡,青菜與雞蛋,再加烏冬便可以
點知又要小炒,唔通佢想炒,

真係文化唔同,飲食文化都唔同,都係差啲,可能她們生病,沒有戒口這個概念

人人都有生日

幼兒園對於小朋友的生日會相當重視。她們是實行人人有生日為原則。而且當天會穿著自己喜愛的便服回校慶祝。

屋妹的小同學大多數是年頭出生，因此枕住就日日有蛋糕吃。
而蛋姐的同學仔、同學女，很多都是年尾生日，因此吃蛋糕，吃到她們 / 他們咀巴停不了。

昨天是蛋黃的同學女生日，生日女會在午飯時有特別的餐具及花花枱布，她會邀請在班上最好的朋友與她共晉午膳。

從前一晚開始，蛋黃已經跟我說，同學女生日，唔知會唔會邀請佢一起坐，但是這位同學女一向都不是蛋黃的要好朋友。奇怪地為何她想跟她坐。

於是昨天，一早回到學校，同學女見到蛋黃，馬上問她靚唔靚，蛋黃於是有禮地回應，好靚。
同學女仲話帶左好多小食物，話要跟同學們分享。

如是者．．．．又到放學。

蛋黃話：我冇得同．．同學女一齊坐，佢朝早應承左我，後來又唔俾我坐。
B話：咁，佢有無請你食野
蛋黃答：果啲我都唔食得
．．．．．

可能人家沒有邀請她坐，心裏有點唔開心，因此也不愛人家的食物。

小女孩的心思真難懂．．．

寵壞她了

今天晚上,蛋黃忘了做功課,便去睡覺。
M馬上叫她起床,她當然慢條斯理走出來。誰不知,改正作業,繼續遊魂,老師已寫了正確的字,竟然眼睛太大,繼續寫錯。
M終於火山爆發,火山灰漫延至睡房,屋妹竟然走出廳扔垃圾(奇怪),她可能太過擔心蛋姐,不斷咁聽到M的怒吼。

真的要嚴厲地對待她,再者已經提醒她今天在課堂上要寫的字,誰不知3個字,錯了2個。
可能我們太寵壞她了

提點她太多了,她太倚賴了。
不會主動告訴我,今天在學校學了什麼,只會講同學的是非
不會主動做家課,要唸大悲咒才拿起枝筆
不會主動溫習課本,只會玩樂。

什麼事情只會哭。

去博物館

今天，星期天，
計劃與蛋黃在區內，為她找找關於“房屋”的資料。

現在連幼兒園也要做專題研習。然而隨著蛋黃升上高班，資料搜集方面，她也應該下點功夫了。

正當準備在區內考察時，她突然腦仔一轉，話曾經在唔知邊間博物館內見過有“船屋”，並強烈要求前往參觀及紀錄。雖然M&B面有難色，因為要南下，路途遙遠，實在難捱，不過她竟然提出這個好主意，只有與她出發，這樣一行四人，就花了大半天在博物館。

耳朵去了哪，究竟佢喊什麼

蛋黃有時真的是耳朵出了什麼毛病

永遠都是說話聽不到，眼睛看不見，心不在焉。

事緣有一晚，M話：我哋明天四個做．．．（唔記左做咩）
蛋黃：咁我就冇份．．．

B就突然神經，就開始好似機關槍咁，發彈了，對住蛋黃近距離地開槍：

你聽咩，什麼都聽唔到，什麼都唔記得
只係記得公主．咩．公主，呢樣
仲記得同學點樣對你唔好，唔同佢做好朋友
剩記得同學點請你食嘢，點俾貼紙你
其他就咩都唔聽，唔記得
問你喺學校，學左咩，又咩都唔得，
究竟你咩事干

如果再係咁，你去到小學咩都唔知，唔記得，成績唔好，要留級，
咁你就要番去原區讀書，好多功課做，

蛋黃，跟住喺咁喊．．．．．．．

以為係B鬧到佢喊，話佢唔專心

點知，翌日
B問：做咩你擒晚喊
蛋黃扭扭擰擰咁唔講，
跟住就就靜雞雞咁講，仲話唔好話俾人聽（注意：睇到呢段o既，睇左就要呢邊睇，嗰邊散，唔好話俾人聽）
於是　蛋黃　就講：因為B話番去啲原區學校，好多功課，想做死我。咁我咪喊．．．

冬天冷，佢哋仲懶

冬天，真的很凍，很冷。
最好的方法是．．．．匿在被窩裏．．．．那就最舒服。

這幾天，對兩寶是一個考驗，長假放完了，假期間寶們睡到日上三竿，不知七點的時間觀念。

這幾天，”七點”回來了。每天第一句就是哇，哇，哇

今天，蛋黃終於忍唔住：我咪瞓睡

冬天真的好凍，都係睡多一會好

多年後的再品嘗

蛋黃小時，每逢周日都會帶著她去火炭這間餐廳吃蛋糕。因為M&B實在超懶惰的人，想不到去什麼地方。另一方面，因為要等小蛋黃睡一會才可以起行，否則，她便會發”條滕”了。

所以藉新年伊始，帶同屋妹前往再吃蛋糕。

抵步後，真係令人嚇了一跳，商場大翻新，竟然沒有了蛋糕點，心裏惶恐，如何是好。怎樣跟四只眼睛交待，雖然屋妹在悠長車程眠左。但睡來之後，兩個”條滕”加埋，唔係講笑。

幸甚，糕點原來移動了，不過沒有糕點餐，換來了一頓HT。兩位都安心

期間，蛋黃唔小心倒瀉了橙汁，感謝店內姐姐，再贈送她多一杯，可是蛋黃嚇呆了，忘了講，或不願講：多謝


出事前一刻，旁邊的橙汁是屋妹的。還有這是M的茶點。氣氛尚可。



屋妹見到B的三文治，捨棄了自己的HT，仲食到有白鬍子

乾坤大挪移

屋妹係一個頭腦非常清晰的人，總是將所有責任卸走，她是一個“乾坤大挪移”的高手。


同一日，即刻可以找出兩個案例

案例一：

她突然興奮，不斷係度跳，跳，唔小心跌到，喊！喊！

跟住B就話佢，跳，唔小心跌倒了

佢就喊住同M講，我冇著高踭鞋跳，（言下之意：唔關我事，我好乖）

案例二：

下午茶時間，去食糕點，B見佢哋已經沒有咳，再問多佢哋兩個一聲，有冇咳啊！

兩寶同時叫：冇

B於是為她們點了餐飲：橙汁。

吃過飽，行左一陣，回家等車。突然，屋妹咳左幾聲

B：有人咳，有人飲左橙汁，之前又話冇咳。

屋妹即大叫，眼仔水汪汪，紅紅的：唔關我事，我冇叫，係你哋叫，要我飲架
．．．．．．．

無語．．．．．．．

HAPPY 2013