相日記

屋與蛋, 親親密密!!

咦, 得幾隻牙仔都要撩牙?

嘩, so Lovely!!!

真是羨煞旁人呢!!!!!!!

好姊妹

昨晚星期天, 已經鬼咁多嘢做。屋妹仲响度找碴, 開咗自己個衫櫃桶, 張啲衫丟晒出嚟。

當她丟了5, 6, 7, 8, 9件時, M嚴正地警告她。
M: 我睇吓你丟到幾時!
屋妹枱頭望望M, 然後繼續丟, 手好快, 將1/2個櫃桶的衫都丟晒出嚟。
B: 妹妹唔好丟啦, 夜啦, 瞓覺啦。
M任她做, 因為這是自由放任的社會, 應該給她做壞事的選擇權。不過, 最後給M打了一身, 如果唔係, 就不需要有警察了。

平時個樣咁純品, 做壞事時個樣會跩得咁緊要, 真係估唔到。

蛋姐見嚎哭的屋妺, 馬上挺身而出（本來在B的身後邊。B在幹什麼? 當然是負責收拾衣服, 一件件摺回去）
蛋:（細細聲）媽咪唔好打妹妹啦。
M:（大大聲）佢跩跩喎。
蛋: 唔好打啦。

M見蛋咁乖, 條氣即刻順晒。不過, 都要訓示屋妺。
M: 你睇你, 成日搶家姐啲玩具又搣爛家姐啲書, 家姐都同你求情。（當然屋仍在嚎哭中）蛋錫返妹妹, 叫妹妹唔好喊啦。

蛋露出憐憫的笑容, 攬住屋妹。當然, 屋妺見到蛋姐就開心, 兩個攬頭攬頸, 錫來錫去, 互道晚安, 各自瞓覺。

M有個咁乖0既囡, 真係好開心, 諗極都唔明白, 係前世積0既福? 定係B前世積0既福? 唔明白, 最後搞到失眠, 第二朝頭痛!!

抱抱

很久沒有與蛋去街市shopping了。
就趁著那個空檔，體驗一吓街市購物樂。

蛋總愛人抱著街街，行了一段路，B真的抱不了
B說：蛋，自己落地，讓B休息一會．．
如是者，蛋很乖的，自己走了。但走了約五十米

蛋說：休息好了，抱抱
B說：．．．．哦

無以應．．．抱了她

屋近照

情深的一吻

唔知點解地，愁眉深鎖地吃山楂餅

做完壞事後，速逃

看著，如何吃得晒

蛋近照

下雨，愛傘

女人能頂半邊天。
未及，蛋黃能吃一蛋糕，厲害

吃好蛋糕，用牙簽，清潔牙齒，但是蛋糕會黏牙嗎？

蹲著，想東西

校園趣事2

老師對某家長說：ｘｘ同學，件衫濕了，我哋同佢換衫時，ｘｘ竟然用手拉著衫腳唔俾我哋換。

（心想，如果係蛋黃換公主底底，馬上除出來，俾你睇．．．．．
蛋黃可能會這樣說：你睇，公主喎）

********

老師對某家長說：XX同學，今日帶咗粒糖返學校，並想食，我哋話佢咁樣唔得，企圖想收咗去。
XX同學說：哇！哇！你哋咁樣對我，我話俾媽咪聽。

********

每次放學，同學仔必須將自己椅子，推好。蛋黃常常忘記。有一次，B按奈不住說，你推好椅子沒有，
蛋黃理直氣壯說：沒有
然後走咗去

又一次，她又忘記推椅子，經B提醒，回去班房內推回椅子，老師驚訝的為何蛋黃不回家，要回班房

手指出事了

睇佢個樣若無其事

其實內心深深處，好得戚！！！

手指出事了，
這是她第一次手指見紅，特此記下，作警愓之用。

屋妹日漸長大，對於周遭事物特別好奇。純潔眼睛，天使的笑容之下，隱藏著頑皮的真我個性。
星期天，如往常的混亂，屋如往常的到處亂走，到處亂搞，到處破壞。
到處撕爛所有的紙品，蛋姐的心愛公主書、上學的書、心愛的宣傳單張，一切可以分家的東西，都努力地嘗試撕毀，然後又會若無其事地走開。當被人發現，又會露出天使的笑容，企圖隱藏頑皮的惡性。
屋妹再次撕爛蛋姐的上學ABC時，M終於按奈不住，馬上替ABC做接駁手術，當然又對屋妹訓示數句。屋妹當然明白，然後繼續做壞事。
正當M拿著膠紙座時，屋妹又頑皮地搞搞，當然又被M訓斥，於是她哭。
大家都以為正常唔俾佢玩，所以哭。
過了一會，M竟然在屋妹手指發現有血跡，再在屋妹面豬上發現有血跡，初時以為是屋妹咬親自己咀咀（已有前科）。
哎喲！原來手指被膠紙座的鋸齒弄傷，怪不得成屋有條血路築了出來。
真的是見到替她難過。

大家即刻替她料理，蛋更是擔心，希望拿公主貼貼（膠布）替屋妹貼貼。並幫M&B拿著膠布廢紙，跟住隨手掉在地上。（不是放進廢紙箱嗎？）

屋妹的技倆

話說蛋黃有任何不滿, 又或是被人發現做了壞事, 唔理三七二十一, 喊咗先。

屋妹又如何呢?

星期天, M忙著在廚房扮美女廚神, B在客廳看著兩隻小魔怪。當時, 蛋是很乖, 屋妹則在玩嚴禁玩耍的垃圾筒。垃圾筒被玩到反轉反轉再反轉, 倒臥在事發現場。

B: 哦, 媽媽出嚟喇。
(屋妹馬上彈離現場數呎)
B: 你以為彈開就得呀, 媽媽出嚟喇。

M聽到以上對話, 雖然很忙, 但還是要出去參與一下。

M: 做乜事呀?

只見屋妹露出燦爛的笑容, 一搖一擺地向M走過去, 然後, 側著臉, 用一邊面豬貼著M的大腿。好像在說: 沒事, 沒事, 我沒有做壞事啊。

以上, 就是屋子被發現做壞事後的處理善後方法。

without an egg

ｘｘｘ小朋友的家長，請到服務台，你的ｘ小朋友在那裏等你。
這是without a trace完美結局版。

今天的ｘｘｘ可以蛋黃代入，家長係邊個，仲駛問，去片．．．
話說．．
M與蛋約定今天去買泥膠玩，於是一早MB蛋，三人丟下屋妹（這可能是without a 屋的詛咒）去了沙田的反反城。不管兩歲到三十幾歲，進入反反城琳瑯滿目，千奇百怪的玩物中，真的有啲喪智。當然是MB有MB睇，蛋黃有蛋黃睇佢o既公主系列，
佢會話：好靚啊，我想要．．．
因為咁MB怕佢中公主毒太深，有時會離開這個毒窩，去看別的東西，咁啱，就俾咗個超級有趣的煮飯仔套裝吸引，兩個三十幾歲人o係到研究緊，這個套裝有什麼獨特之處，不如買番屋企試試，左看右看，已經唔記得蛋黃．．．．突然心頭一震，蛋呢．．．．
左看右看，右穿左插，
究竟駛唔駛
ｘｘｘ小朋友，你的爸媽因掛住睇玩具，唔見咗你，請你到服務台找他們

可能蛋黃，心裏面想鬼知服務台o係邊，一聲驚天大喊
爸爸

MB如夢初睡，B仲o係到食緊火鍋，M已經一個箭步，抱著蛋黃入懷，跟著安慰不到十分鐘，蛋黃見到旁邊的公主，又說：
好靚啊，我想要．．．

七不思議事件簿之II－靜夜

因為保姆放大假返菲國的緣故, 5日連休仲慘過返工。

一日, B在隔離房套間幫屋子洗白白, M正在整理立立亂0既蛋屋衣櫃, 蛋幫忙。當然幫幫吓就自個玩樂去了。

M專心地疊衣服, 突然, 從背後聽到......

床前.....月光
......思故鄉

好耳熟喎, 再聽!!

床前.....月光
.....地上霜
低頭思故鄉

M驚嚇, 馬上衝過隔離房找B。手持毛巾的B及裸女屋子呆呆看著門前驚惶萬分的M。

M: 爸爸, 我哋個女識得背靜夜呀!
B: 乜嘢靜夜呀?
M: 床前明月光呀
B: (無反應) 係呀 (繼續幫裸女屋子抺身)

良久, M跟B討論蛋何解識背唐詩。蛋說是老師教的。B說可以查看課程綱要。
M: 中文課沒有話教唐詩喎
蛋: 唔係中文呀
M: 咁係乜嘢課教嫁
蛋: (無答)

或許是我們買給她聽的唐詩CD起作用乎? 不過, CD是普通話喎。女麻女麻又說沒有教授她背。後來的幾天, 蛋間中亦有再背靜夜詩, 而且連動作, 「舉頭望明月」時真的抬頭, 「低頭思故鄉」時真的低頭, 應該是幼兒園教的沒錯了。

何解現在一間爛鬼屋村幼兒園, 都這麼的這麼的進取, 教兩歲幼兒背唐詩!?