窩心話

孩子的說話有時讓你窩心，有時會令你火燒心。
真係要看你當天運程如何。
昨天，M就運程不錯。

晚飯時，蛋太飽了，吃不下。便拿著碗入廚房跟M說：

我好飽，食唔晒，我知你煮得好辛苦，但我太飽了，對唔住。

M：咁冇辦法。

蛋黃於是將碗的東西掉走，又說：
我知道浪費食物好唔啱，我下次會食晒佢。

握握手與勾手指尾

屋妹鬼馬，人所共知。
前晚食飯時，突然同M說：

握握手做個好朋友

M就同佢手做好朋友，跟住佢又講：

勾勾手指尾，媽咪以後唔好打妹妹
屋妹這招順勢推舟，趁你唔為意，引你落答，佢真係小小年紀，已經深明此道．．．

啲風吹

B: 嘩！你睇啲雲郁緊，點解會郁呢？
蛋黃：有風囉，你睇嗰啲花郁緊（註：佢指緊棵大樹），咁咪即係有風。
B：會唔會有個摩打係雲度，有人喺入面控制緊佢
蛋黃：都話有風，不過都有可能o既

屋妹勇敢地飲苦茶

唔記得左o者

小朋友，有冇記性真係只有佢哋自己最清楚。

成日叫佢做咩，唔做咩，佢都同你忘記得一乾二淨。又如叫佢從學校攞番本數學簿回來，由星期一叫到星期四，星期四攞番嚟，是她們當天在學校寫完後，帶回家，俾家長檢收，才帶回家的。所以蛋黃係完全唔記得帶。
不過，佢知錯，每日都會講：我唔記得帶，我明天會記得

有時一些 "大事"，佢就會記得一清二楚。

而且這些 "大事"，佢哋會不斷咁係你身邊一講再講，令你唔會唔記得。不過佢會好有技巧咁將問題（或者叫溫馨提示），有規律地重覆
例如：幾時睇公主，係唔係依家做公主，點解冇公主做．．．．如是者不斷重覆這個組合。

不過叫佢做野，唔記得

反應１，笑
反應２，唔記得，係微笑著講
反應３，當聽唔到
反應４，好耐先答你，我做緊，不過轉頭又冇做嗰隻。

她就是這個人。

今早，蛋姐竟然會記得番學要帶野，出左門口，著緊鞋，都記得要番入屋攞。
阿M唔知佢做咩，又趕時間，大喝一聲，佢嚇壞左，喊左。
原來，她要入番屋，攞一張 "記錄卡"，上面蓋了很多小印，係要儲夠（還是有章）才可以在學校攞玩具。
她竟然記得番學野，不過係玩。

都記得，或者老師找到蛋黃的”切入點”，我們仍在搜尋中。

悶呆了

屋妹病逾半個月，未能上學
整天呆在家中

香腳只可周末踏入跳舞室內，所以整個人待在家，真發呆了。
最近拿出千年禮物，彈彈馬（本來係只鹿，因為屋妹話要扮貝兒，騎馬番屋企搵爸爸，又一個指鹿為馬的例子）

玩得異常開心，有時會坐，有時會拉著馬通屋走，有時會踢佢，有時也會扮BB餵佢食野。
總之，什麼也跟馬玩餐飽。

不過，最近她忍唔住，一早起來
媽咪我好番ｌａ，我可以番學ｌａ
（但是，佢仲有咳）

佢真係好悶
好的！今個星期同佢去婆婆度，飲苦茶先
等佢可以番學