酷熱下做運動

蛋姐與屋妹到了這星期終於感到放暑假了，（B一廂情願的想法，因為佢哋可以常去街）

繼昨天失驚無神，屋妹睇醫生，蛋姐又跟埋去之後。
今天的主題是”做運動，身體好”。

喪跑，喪走，喪踩，勁熱。

街坊見到：嘩，個頭濕晒。

蛋姐推妹，頭都濕晒．．．．

熱到呆左，八掛孖寶睇人哋扭計，喊，好似睇戲咁．．

梅莉達

繼瘋狂搞鬼的屋妹”movie movie”之後。


終於到蛋姐的”梅莉達公主”，剛過去的星期天，雖然四人都有啲病，都冇礙大家出街之決心。晨早一行四人前往大角咀，蛋姐異常焦急，恐防會遲到，又怕去不到戲院。總之係心煩氣燥。到達戲院後，有點失望，此間戲院與旺角的不能相比，空間不多，因而沒有太多宣傳布景板，她們也不能盡興地拍照。真係香港寸金尺土，呢句說話一啲都冇假。

可能孩子係一個專心的人，她們會專心一致地看電影，不吃不喝，蛋姐手中一條巨腸竟然吃了兩三口，就給B。專心看戲。

不過屋妹就知道食先係至理，不吃何以有力氣去看，所以八粒燒賣，最後M只能吃了兩粒。

究竟這套電影有什麼吸引到蛋姐呢？？？我想她只知道佢係公主，什麼都不知道。蛋姐可能患上儲物狂，只要係公主，佢就要齊，一件也不能少。唔知道佢講咩唔緊要，最重要佢係
公主。

搣手指

屋妹今日又搣手指，

阿B說：不如剪左手指佢。
屋妹眼睛水流流咁說：剪左手指，妹妹死左，見唔到妹妹，好可憐。
阿B說：咁我唔剪你，咁可憐，見唔到妹妹。

於是阿B與屋妹相擁而哭。

有什麼的父母便有什麼的孩子

有什麼的父母便有什麼的孩子


今天十四日，大家興采烈地為蛋準備學校辦的夏日暢游。計劃在那裏早點，然後如何到達泳池，然後．．．

誰不知，經過阿M的再確認，搞錯左，係聽日十五號。只見阿M氣急急的趕往M記告知大家，當時M已經先將屋妹送番學校。
M得知蛋黃要番學校時，要從屋妹手中攞番書包时，屋妹大喊係要將家姐書包帶去課室（因為上次屋妹游水，都係蛋姐幫佢帶番課室），無奈下M只可讓屋妹搞掂算數。

又急急的由B同蛋姐換上正常番學衫。
趕急的同蛋姐吃完早點回校，跟住同蛋姐講講現在的情形，佢好似咩都唔知，只係知道好開心可以在M記吃早點，眼睛裏見一個好迷的蛋黃，盤算著如何將B手中的豬蛋包食左．．．

真係見到眼前咁矇查查的孩子，終於明白她是如何育成的．．．

movie, movie.....

經過多月的等等。
終於跟屋妹，去看　movie, movie,.......

在戲院內，每當斑馬跳舞，唱著歌，屋妹則笑到騎騎聲，真係咁好笑嗎
有時真係唔明白佢笑咩

蛋姐，初時只係掛住睇公主，不過也跟著妹妹一起看電影。不過佢就笑都好內歛了．．

木糠布甸

剛過去的星期日，全家總動員出城學整木糠布甸。


兩小寶異常興奮，屋妹更興奮，第一次去搞搞，很開心
蛋姐已經是第二次參加此類型親子班，仲記得之前個哥哥，可惜哥哥們出差未返。

過程簡單，
步驟一，屋妹很開心，整碎啲餅做木糠
步驟二，俾老師用搞拌機搞，都好開心，搞啲電掣
步驟三，仲好開心，用手提攪拌器整ｃｒｅａｍ
步驟四，熱情高漲，將啲木糠放落杯，再將ｃｒｅａｍ加上去，如此類推，一層層。
步驟五，蓋上
步驟六，做完，到處行
步驟七，問，點解仲未食得．．．．
可見，這絕對適合這些愛搞作的小寶寶。

回家途中，虛脫，做到要小休，回程途中睡了。
回家後，雀躍異常，急不及待的吃
第二天，繼續想吃。


真係覺得好吃。

嬉水樂

學校的年度潑水節。從今天開始，首先由屋妹BB班開始，B陪同前往。

好玩，刺激，雖然準時到達 ，但一早已有好多小朋友聚集嬉水。老師也開始跟小朋友玩樂。不同的夏日泳衣在嬉水池上閃閃發亮。


屋妹以一身愛國裝，艷驚全場。這是為迎合正值舉行的奧運比賽，為所有人打氣，加油。

雖然係嬉水，屋妹仍然不能有水沾面，有水者，馬上大叫，然後以B衫作布，抹抹。

不過，她真的熱愛水上活動．．．

玉照一張, 相片多謝盈盈媽咪提供。

新證件相

靚靚家姐 ^.^

唔......妹妹都好精靈喎.......