真係唔明白依家啲細路係咪加工食品食得太多, 食壞咗個腦, 搞到咁反叛。
以前又話反叛期一般係青春期, 點解蛋黃的反叛期提前到幼稚園?
話說現在幼稚園舉行小一模擬, 扮小學生, 無得瞓晏覺。所以, M要求蛋黃8:00就上床瞓。如是者, 7:30就要沖涼了。當日, 蛋黃應該係好攰, 又想玩, 叫佢沖涼佢發晒 ti 騰。B就開始大悲咒。B 0既大悲咒唔係對付蛋黃, 係M的金剛圈, M一聽到就頭痛。於是, M從廚房衝出, 要蛋黃馬上沖涼去。蛋黃當然唔理, 繼續你也 ti 騰佢也 ti 騰嚎哭。
於是乎, M就一手捉咗佢去廁所。誰不知, 蛋黃好嬲, 一面去廁所(沖涼前指定動作), 一面向M大叫：
你唔係我0既主人嚟, 我唔係你隻小狗呀！
M頓時當頭棒喝, 點解咁細個細路, 會知道呢個道理。唔係話父母有十年保鮮期嗎? 點解我只得5年?
好深奧啊！
B在客廳也聽到這一番話。剎那間, 我倆無以應。
