我家蛋黃也知道梁振英

現在, 小朋友的知識真不知是從何而來。

近日, 小學大作戰, M&B在網上看到很多面試問題, 琳瑯滿目。因為蛋姐終於完成所有面試, 所以M&B就悠閑地看人家的笑話。

很多問題, M&B都估計蛋姐不會回答。其中一題, 問小朋友香港特首是誰, M就又隨口問了蛋, 笑說看她答出什麼鬼東西來。

梁振英

M&B O了咀, 定眼望著蛋姐良久, 蛋姐微微笑, 似等著爸媽的讚美。無奈, 太震驚了, 咀巴仍然是O形, 為何這隻豬蛋包會知道我們的特首名字。學校有教嗎? 我們平常討論時事時, 她有聽入耳嗎?

可能, 這隻豬蛋較我們想像的更為優秀也說不定(M自我陶醉中)。

蛋姐跳班

上星期六，芭蕾舞老師忽然話：

小朋友可以升班，而且出年6月會考試。吓，升班！！！！！！！！！！！！！！！

事實上，蛋姐因為話要＂陪妹妹＂而＂留班＂，老師已經叫左佢升去下一班，當時Ｍ&Ｂ話好ＬＡ，等下次有位升班。

點知，今次要跳班，仲連跳３班，
推測：
可能跟住嗰班冇位，老師便要她跳班。

不過跳了班，就要每星期番兩日了，逢星期六與星期一。負責的職員說：不用怕，老師的學生考試從未ＦＡＩＬ過。但觀看蛋姐的舞技又是否能夠穩操勝券，仍然是不大看好......

再看看佢跟著如何

主恩常在！！

搞鬼的屋妹

屋妹真係有時幾鬼得意，以下是M憶述事發經過，請去片：

有一晚屋妹畫咗張畫，本來話送俾Ｍ，點知過咗半個鐘頭，又話Ｍ睇完了，要還返俾佢，佢只係借俾Ｍ睇而已。

Ｍ就話, 你頭先話送俾我的, 你講大話, 屋妹核突。

屋妹見狀，心虛，不過她仲死撐，話：只係借俾你睇, 睇完要俾返我。

最後，屋妹亦無奈地話, 畫多張送俾Ｍ。

如是者，又過咗15分鐘, 又走過嚟(當時，Ｍ一直同蛋姐讀緊故事書)，俾張新畫Ｍ。

但睇一睇，又話要幫Ｍ keep住先，因為Ｍ好忙。

然後, 屋妹話：我唔小心畫花咗張枱。

咁Ｍ就話：咁我話俾爸爸知鬧死你啦。

屋妹好驚話：唔好呀。

Ｍ見佢咁驚, 就無再嚇佢了。

如果Ｍ唔惡，你估屋妹有冇可能攞番到張畫，還是Ｍ掛住同蛋姐讀故事，冇人理佢，佢覺得好鬼悶呢。。。。。

小朋友就是如此，不過屋妹始終係一個欺善怕惡的人。。。

小學大作戰--2

久未報告，此刻蛋姐已經一面，一考。

一面者，事後兩眉緊鎖，面如死灰，語有阻滯。

這一間位於九龍城的歷史悠久學校，是Ｂ的dream school，目標一號。

所以事前讓她懷著極之開朗的心情去面試，先來個叔叔套餐，再買了一本她酷愛的疑似公主書。跟著抱住輕鬆的心情前進。

Ｍ並答應蛋姐如考試很好，便會奬勵她到斗斗城選購她喜愛的玩具。

校門前已有兩個高聳的吹氣人歡迎孩子，再有老師為緩和氣氛，有即影即有，踏單車，

可是已見蛋姐略有異樣，在拍攝即影即有後，不懂向老師說謝。Ｍ見狀後大驚（始發現Ｍ為最緊張者）。

老師經廣播召集十二點半小朋友，各小朋友手執面試證，列隊跟從老師拾級而上。

見到蛋姐小小背影，心想小小年紀已開始人生的一大步，去面試了，往後的人生她還有更多的面試正等著她，至少今個月還有兩輪。

十二點半開始，廣播老師話要四十五分鐘。咁好，出外買定啲鎮定劑俾蛋姐先，豆奶與面包超人米餅。

回校後，十二點四十五分鐘，第一批小朋友由老師帶領由一樓慢慢的由樓梯下來，每一位小朋友攞住氣球，笑容滿面。

在人群中，隱約見到一位手執橙色氣球波的小朋友，眉頭深鎖，若有所思，步履猶豫，神情呆滯。ＭＢ心裏面開始有點不安了。

真的驚魂未定，Ｍ已經等唔住咁，問她點樣了，當然蛋姐心中想著快快去斗斗城選購玩具，希望草草回答Ｍ之問題，Ｍ豈是隔離村的十娘，一定唔會肯過佢。

算了，等我總結吓先：
老師問佢屋企有咩人

看圖講故事，中秋節，蛋姐：中秋節，爸爸同我整月餅，買燈籠，跟住同我去公園賞月。

老師講嘢，蛋重覆
老師請她扣鈕

一個同學攞住兩個圈，然後蛋姐攞住枝竹，用竹穿過去。
現公仔。

面試完畢，不過不失。校長話：是是正正，咁就得。