蛋黃真好笑

蛋黃真好笑

噚晚
蛋黃:我好掛住媽咪, 好想同媽咪瞓呀
M: 咁好啦, 我哋一齊瞓啦
蛋黃: 好呀
M: 但你唔掛住爸爸咩? 爸爸唔會同我哋一齊瞓故喎

諗咗一陣, 招牌笑容

蛋黃: 咁我都係同爸爸瞓, 第日再同你瞓啦
Bye!bye!

家陣細路都係可憐寶寶

星期一，仍然係聖誕假。

一早，蛋姐問：媽咪今日要返工工呀？

成九點幾，M仲係蓬頭垢面，睡衣裝，如果要返工就死得了。寶寶們當然沒有時間觀念，只知道一般放兩日假M&B就要返工。

M：媽咪同爸爸今日唔駛返工。
蛋：咁係唔係陪寶寶呀？

噚晚，M瞓覺前同屋講：媽咪聽日要返工工lu喎。屋妹無出聲，剩係攬住M好實好實。朝早，M&B正在換衫返工之際，屋突然醒咗，望住著住件底衫孖煙卥的B及睡袍M，慢動作走去M處扮樹熊。M抱咗屋一陣間，然後同佢講要返工喇，就放底拍拍佢瞓過。屋妹無出聲，扁住咀咁再瞓過。

記得自己細個果陣住屋村，鄰居師奶十居其九係家庭主婦。我阿爸係裁縫，所以細個果陣日日24小時都見住父母，覺得好平常。依家細路要同爸媽响一齊點解咁難！依家物質豐富咗，但細路卻個個變成可憐寶寶。

年尾收爐,人收,包爐不收

三個穿睡袍的少女，站在面包前。
一個面包機放在面包前。
一個影相的 "佬"，站在她們前。

歲晚爐收，機不收。

得到兩位熱心的小美少女幫助，不過下次要準備所有的材料，才請她們協助，就最好。唔怪得之，方太、李錦聯，永遠唔會係觀眾面前整材料份量。

跟兩位美少女做，真係一把汗：用面粉洗手、用匙作鼓、用紙巾擦枱、碗．．．．（係環保型，一張餐巾走天涯）、用量杯當帽．．．．

原來我哋已收爐，不過美少女們則全年無休。

年尾收爐，輪住黎病

病完一個又一個，輪住黎病

首先，屋因貪咀，吃了蛋姐的生日蛋糕的朱古力，病了。
＞＞＞＞傳染給M
屋休息了一星期。
跟著，蛋都唔知點患左中耳炎。
沒有任何常識的B說，中耳炎，不會傳染

蛋休息了六日

星期六，屋與保姆齊中招，大病的抱著細病的。細的燒到102度，嚇到MB，人都唔知做咩。急急的電召蛋屋的家庭醫生。再喪找綠的，再轉紅的，用了三十分鐘時間，由北向南走。暴走入診所。

原來蛋的中耳炎＞＞＞＞送了給屋、保姆

同時，保姆自己又去左睇醫生了。

跟著，又到屋休息了

然後，M激到病上加病。

希望這家人早日康復，聖誕快到！細的要參加派對，大的唔知做咩．．總之要健康LA


傳染流程圖 ：
*＞＞代表傳染

蛋糕＞＞＞屋妹＞＞＞M＜＜＜全家總動員
蛋＞＞＞屋妹、保姆

結論，最慘是M．．．．．最令人憐憫
　　　毒素最厲是蛋．．．最令人防不勝防
　　　無知的B．．．．．最令人痛痕

趕時間,去畫畫

為增加蛋姐自信心

最近，積極鼓勵她參賽。
今日(16日)就趁著等睇醫生時間，完成了以下這幅畫

並且於這天截止日期前交了。

YEAH!!!!

年尾收爐，計吓數(1)

過去一年，發生了很多事，孖寶為我譜寫了多首樂曲，有令人會心微笑，如春光燦爛下的小花；有令人火山爆發，足以摧毀一切的恐怖。
現在趁著年尾收爐，同佢哋計吓數先。

(1)緊張的發表．．．．
不管是什麼人，在眾人面前說話都是那麼緊張的（當然亦有例外）
不過這個 "例外"，不是我家的孩子。十月的某星期一下午，蛋與學友緊張兮兮，在課室內報告。內容以海洋生物為主，主要經歷是月前參觀海洋公園後的啟發。
共分三組：閑談組、戲劇組、烹飪組
通過不同主題，愛海洋，愛地球。蛋屬於閑談組。

勇敢的蛋說：我帶左魚骨，同同學分享。
雖然短短的一句，顯示小蛋用盡了自己小宇宙的力量，豁出去地完成。正如老師所言，小小年紀要他/她們在眾人面前說話，真的有點膽怯。

不過見到其他孩子扮魚、扮方太教煮餸、李錦聯上身，為何孩子點解變咗肥皂劇的路人甲，說完一句對白，都唔知行左去邊。

不期然就想著，為何孩子比人差。

孩子在不斷的學習過程中，為人父母者真的不知不覺間，將她與身邊的孩子比較。可能看到別的孩子比自家孩子優勝，心裏面總有酸溜溜的感覺。
常常跟自己說，孩子要活在快樂的世界裏，學海無涯，學無前後，達者為先。可惜孩子卻信以為真，誰不知父母也是世俗人，還未看破世情。見到自己孩子比人差，就用了幾條鞭，鞭策她努力向前。每每讓她淚流滿面，真係心中惻隱之心，悠然而生。惻隱之心真係隱藏於心，看著的淚面，仍然會心中有火，不知道為何小孩的眼淚，永遠是爸媽怒火最佳的燈油，可以令怒火愈燒愈旺。

大家平心靜氣，（都係要爸媽先搞掂）然後再想想，孩子還是孩子，不如歇一歇，何以動粗急進。讓她們慢慢，一步一步的去做便可以。“道理永遠是教導孩子的好方法”，不過怒火一點，身邊的事，心中的理智，已經成為易燃物品，還有時間去想嗎？
或許水不能撲火，但飲啖水，眼睛閉上一秒間，也許可以令自己停一停，想一想。又或者與孩子一起入房，過一過冷水，不失為妙法。

咦！點解寫寫吓，又離題。咪就係囉，鬧鬧吓，小事一椿，都唔知鬧佢哋做咩。
想當年的我們，如同舊飯，佢哋已經好叻架啦。

專心

蛋黃的學習障礙源於內心。
她學習不夠專心。專注的時候是看catalogue，在她還少時，她拿著一本catalogue from hallmark，非常專注地看，心想：很好的，她會愛看書。而且她自小也喜歡拿著書看。屋妹都有，但是總是上下對調。相反，蛋姐從來也沒有。

時至今日，蛋姐依然愛看書，特別愛看一些色彩悅目的書，她會喜愛看“大頭妹”、“１００層樓的家”，還有公主雜誌，玩具反斗城的catalogue。靜靜的看著２０－３０分鐘，也沒有問題，還會走過來，問一問：點解會咁樣。

相反，學校的課本，可能比較單調。要她看書、寫字，她就會渾身不自在。
不過，當她認真地寫字時，她會專心一志地寫，差不多每寫一個字，便問你：靚唔靚。可唔可以俾粒星星我。
她是需要另類鞭策，讚美．．．

要讓我們讚美佢，讚美佢，讓她歡歡喜喜地繼續做
讓她滿心歡喜，讓她得得戚戚，又笑咪咪

專心。還有待磨練
聴聞拼圖可以鍛鍊這樣散漫之心，咦！屋妹好鐘意的，唔．．．．．．．可讓屋妹一試，因為屋妹一點專心也沒有，永遠崩崩跳跳（跳到崩牙，破損．．．）

蛋黃：生日快樂

蛋黃終於 4 歲了, 坐巴士要俾錢了。蛋黃, 祝你生日快樂。

學校的生日會, 為她準備了漂亮的生日帽。This is her special day. 第一次有咁多人同佢慶祝生日。可惜, B出差, 無得參加, 哭了一個禮拜。(誰哭? 當然是B了)

屋妹也努力吹臘燭。因為好想快啲食蛋糕。

芭蕾舞班

等待多時的芭蕾舞班(playgroup)，兩姐妹這個星期六終於可以到芭蕾舞室上堂。一身完美的芭蕾舞戰衣，令她們未上堂之前已極度興奮。
老師還記得蛋姐，助教姐姐也記得蛋姐，咦！長大了！

今次兩姐妹來跳舞室，蛋姐可能有屋妹相陪，令她信心大增，讓她很安心的專心上課，屋妹依然扮演著佻皮角色。聽聞她將鏡前欄杆當著韆鞦地玩。對她而言，是偌大的地方，讓她無拘無束地奔跑。

反斗城公園

話說，MB計劃這個星期天跟蛋屋出外，便問她們的意向，去公園，還是反斗城，只可二選一

屋妹：反斗城公園

然後，又問蛋姐，
蛋姐回答：先去反斗城攞紙（catalogue)，然後去公園

大了小小，係識得分，如果唔係，搵埋google map，都唔知邊度有"反斗城公園"。可能就係屋妺的創意，我要晒。

不過兩寶，仍然唔清楚咩叫"二選一"。反斗城　與　公園
並不是：反斗城　+　公園　= 冇得講，搞埋一齊，全部去晒
去完反斗城，再去公園 = 呢度係先後次序，冇選擇，只選擇目的地的先後次序。
但她們是明白一雞兩吃。又要去反斗城，又要去公園。咁樣咪好似......

靚仔，唔該俾個腸仔溝餐肉，米粉加底，雙蛋加火腿.......

又或者：　唔好再揀，靚仔，俾個雜扒加雜菜

她們完全秉承本地的湊拼式文化。最緊要一個付出，多種享受。正！

T2的恐怖牛

屋妹又到了T2的恐怖時候。

近日，遇有任何要求（連自己的訴求都講唔清）只係識得嗌，喊。
唔理任何環境，時候，還有不如意便大叫，大喊。好言相告，換來的又是大叫，大喊
最近仲會扮蟲，喺地下郁吓郁吓，不過有時佢會話游水....

有時候在公眾場合，大叫大喊，有人仲以為父母們打小朋友，但佢哋見唔到下面，係屋妹喺下面用腳大大力係咁踢人。所以呢，人都係睇到佢睇到嗰啲，不會去探究。

然而，屋妹有嘢食，佢會好開心，有不滿，佢會好火爆，有M奶豬，佢會好溫順。始終佢都係一個小寶寶。

想起當年T2蛋又係咁，失驚無神，會大叫大喊。每個孩子必經階段。

T2時，做過壞孩子，不管天氣。

蛋屋又好,屋蛋又好,總之有她們倆個,就好了

姐妹情深，其利斷金。

幸運地當初決定要多這個小屋寶。才看到姐妹兄弟那種互相扶持的精神。

今晚，屋妹又發脾四，係要將學校借回來的書墊住寫字，蛋姐已經提了她畫花左本書。B爸當然馬上攞開本書，跟著又喋喋不休地唸著大悲咒。不如將本書放喺前，放喺側，放喺後。
當然屋妹話唔得，狂叫，狂喊，狂o攞地，狂．．．．．

於是B爸馬上將本書放在高處，睇你掂攞，哈哈哈

屋妹繼續喊，叫，o攞
發脾四，竟然將枱上的顏色筆掃落地。B爸馬上叫佢執，以屋寶的性格，點會咁易就範，繼續喊。

跟住攞左張畫了畫的紙仔，好喊咁坐喺地上。B爸繼續坐喺地上，六眼對望。此時，……….

天使蛋出現：我執啦，老師話人哋跌左野要幫佢執番。
惡魔B就話：佢自己故意整跌，唔可以幫的。
於是天使蛋，走過搗蛋屋處：唔好喊，
攬住搗蛋屋，錫左佢，再攬一攬，搗蛋屋於是自己走過去執番啲筆。然後惡魔B變返凡人B：天使蛋，你幫搗蛋屋妹執，

於是搗蛋屋變番屋妹，好乖咁坐返喺度，本書放喺枱前，繼續畫畫。

喺嗰一刻，勝在有天使蛋。這是任何人都比不上的，即使爸媽，蛇虫怪獸公主超人警察比卡超………….也不能幫上什麼。現在想一想，如果變左屋姐，仍會繼續要多一個蛋妹，這樣蛋屋又好，屋蛋又好，始終都會拖著手，
一齊走，一齊跳，一齊笑，一齊喊．．．．

黃老師

屋妹回校已經兩個多月，對學校的生活異常地適應。
不過很奇怪，全校的老師都姓黃，叫黃老師。

見到劉老師，會說拜拜，黃老師
見到另外一個黃老師，會猶豫一會，唔知叫咩老師
見到旁邊老師走過，佢會說拜拜，黃老師
佢學校真係咁多黃老師嗎？

享受

享受，吃著雪糕，看著電視，小孩自發自覺地完成作業。
享受，坐在梳發，發呆，小孩自覺地去擦牙，上床睡覺。

享受看著小孩因小事，扭計，喪喊．．．．這也是享受。

孖寶最近總是為著一些雞毛小事，吵著，哭著，真係搞到你氹氹轉。一時尖叫，一時說我要離開你哋，自己一個人，小小年紀，就說出這些話。
不過五分鐘，又摟到你實一實，好似糖黏豆咁，咀到你氣都抖唔到。
跟住又話，我好鐘意你，唔好走。簡直男女朋友喺到玩咁，談談情，說說愛。
有時候真係不知道她們兩個在想什麼。

莫非這就是享受。

不過還是要靜心，靜心才能聽心。始終跟她隔了幾代，都唔知道佢想什麼，即使與我們相處日久的人，我們自己又了解多少。
人心難知，寶心難定。

還是繼續享受吧！！！

變身

最近，蛋姐狀態大勇，竟然吃飯快過屋妹。真係令人驚訝。可能她長大了。
屋妹可能咳病困身，又或者變左液體人（T2），每次吃飯都大吵大閙，小小事都鬧過不停。雖然，M對此大表不滿，大顯獅吼功，或掩耳盜鈴術，屋妹依然嚎哭不停。依然要M的撫慰。愛就是這樣，最愛始終係你。

唔好鬧

星期天，屋妹午飯時，扭計

當然被M大罵。蛋黃坐在旁邊，便說

你唔好咁大聲鬧妹妹
佢知錯la，佢以後唔會咁la

M：知道

應承我, 下次唔好鬧佢la
你要記住呀

對話

（一）
蛋黃：我好鐘意B
B：我都係，不過，你鐘意B，還是白雪多啲
蛋黃：白雪
B：咁你鐘意白雪，還是B
蛋黃：白雪
B：咁你鐘意B嗎，
蛋黃：鐘意，不過我鐘意灰姑娘多啲

（二）
坐喺車度好耐，好悶，好肚餓
B：我好肚餓，我要食你
蛋黃：你睇吓
B：睇咩野
蛋黃：喺車入面，唔准食野

神話如股市，再破滅

每天都教導她們感恩。
身邊人和事，以心比心，事事存感恩。
才能明白世間情，未有事情皆必然，
心中存感恩，人人皆有情。

謝謝，唔該，再見
是她們待人接物的必然說話。

前天往常乘專線車上學去，
下車時，屋妹說：拜拜，（不過，冇說唔該）
蛋姐竟說：拜咩拜啫

聽了之後，也為之愕然。為何蛋姐禮貌正能量跌WATT。上年在校才得到禮貌獎，為何會變成這，為人父母者，也是時候檢討了。

神話破滅

屋妹上幼兒園（N1），最初表現良好。老師讚揚情緒管理得很好，一直沒有哭。M沾沾自喜，周圍同人講屋妹返學無喊，十分驕傲。

根據學校的安排，第一、二個禮拜是適應週，同學仔由返學兩粒鐘，至食埋飯，然後望吓人哋瞓覺，至自己瞓覺到3:00。

屋妹勢如破足，返學兩個半禮拜已經跳過睇人瞓覺階段，直接進入瞓覺期。試過一天，更馬上進入全天候，即放4:30。同蛋姐一齊放學。

不過，返咗三個禮拜學，屋妹呢兩日無端端上堂喊。今日返學時仲狂喊，要奶奶豬，被老師像劏豬一樣捉入課室。

屋妹的神話終於幻滅了！

投訴呀, 投訴

屋妹上學 7 天, 被老師及校長投訴了 6 天 !

第 1 天 : 老師話 ~ 佢好喜歡尖叫喎, 好興奮, 尖叫咗好多次。(本來M覺得無咩問題, 但跟住老師話) 唔緊要, 慢慢嚟 (咁即係老師覺得有問題)

第 2 天 : 校長話 ~ 佢好大動作喎, 同家姐唔一樣。老師話 ~ 我哋俾餅乾同學仔食, 有啲同學仔食到一地都係, 我哋無時間收拾, 屋妹就响地下執起, 放入咀度。佢都好為食喎。

第 3 天 : 放學時, 高年班(返全日)在大堂看卡通, 屋妹好興奮, 老師見狀放下簾子遮住。屋妹本來換好鞋仔準備走人, 突然話: 0殊0殊。無辦法, 老師帶佢入去痾。途中, 屋妹 fig 甩老師隻手, 老師問: 你係唔係去0殊0殊呀? 屋妹: 唔係, 然後痞底身响簾子逢中偷睇卡通。M氣死, 捉走佢, 屋妹不滿, 大喊並轆地, 校長問: 呢個邊個嚟嫁?

第 4 天 : 終於有飯食。校長話 ~ 食完飯我叫佢飲水, 佢唔肯飲水!

第 5 天 : 無投訴。

第 6 天 : 校長話 ~ 佢都好隨意吓, 食完飯住個杯通課室行, 我叫佢放底個杯先, 佢就望都唔望一手伸俾我, 我都無接佢就放手, 成杯水倒咗。

第 7 天 : 老師話 ~ 佢今日將啲水杯全部反轉晒, 我叫佢唔好玩, 佢停手, 但我轉頭佢就繼續反水杯。後來主任帶佢離開現場, 並叫佢唔可以玩水杯, 佢就大喊。(後來M轉告B, B說屋妹可能在幫忙收拾水杯)

唉, 最大問題係以上投訴連M都唔覺得有問題, 煩呀 !

第一天上學去

第一天

屋妹與蛋姐齊上學，由於屋妹的開學禮9時30分開始。於是先吃小早點。然後開心地上學去。
不過，當她見到蛋姐先入課室，竟然發脾氣，點解冇得入。

在校門前，屋妹異常興奮，看到小朋友們在玩玩單車，當然她表達了友善的一面。拍拍喊喊的小朋友。不過都有兇人，踩三輪車。
表現很主動的她，會雙手放後，換好鞋，排著隊入學校了。
她會自己放好書包，
她會很投入看老師的布偶劇，看到跳跳紮。
老師拍照時，她會跑過去看看相片如何，然後又乖乖的坐回去，來來回回。
她會很主動舉手，表示自己想參與活動。
她會很好奇的，走入布偶劇舞台後，看看是什麼一回事。
她也會頑皮，帶頭跑出大門玻璃前，看著外面下雨情景發愁，因為沒有機會踩單車，做大肌肉運動。鼓勵其他小朋友，一齊抗議。
她也有溫柔的一面，走過旁邊的老師，坐上她大腿（以前是蛋黃N2老師，樣子與M極似，因此屋妹特別喜愛她）靜靜地玩遊戲。
她也很害羞，她說：無音樂o既。當校長走過來問她做什麼，她會學：無語
她也乖的，與其他小朋友走入課室，沒有爸媽的陪伴，而不哭。
她也有虛脫的時候，回程路上扭著M抱，可能她太累了。

屋妹果然係叻中寶。

賀中秋

吃月餅，賀中秋。
賞月，一如往年，提著花燈由山上走到山下。屋妹因爺爺送贈花燈太重，沒有帶出街，蛋姐可能是這個原因，竟然拿著上年的花燈往賀中秋。

途中，難得遇上蛋姐班中同學，兩位姐妹興奮的與他傾談，講剛買回來的貼紙，蛋姐並逐一介紹貼紙上的公主。

追月夜，全家一如往年，吃月餅，看月亮。不過今年上天台看圓圓的月亮，可能太晚了。屋妹忍不住大哭肚餓。可憐寶寶。

鏡子，還是打印機

人人話孩子就係自己的鏡子。
係唔正確的，因為佢哋頂多係一部次級的麗ｘ影印機，只係做壞事，唔見佢哋做咩好事。不過蛋黃，卻是一部進級版的麗ｘ多功能組合打印機。案例如下(紅色者為出處)：

案件發生於噚晚，自家屋內

各人吃飯，只有屋妹一人準時達標完成，於是無嘢做，最重要係貪咀。於是,
屋妹企係凳仔度問M攞餸食，危險，M便大聲叫佢唔好咁做, 因為M有童年陰影, 3歲果陣企凳仔跌落地下, 額頭縫了3針。
蛋黃話M唔啱, 咁大聲話屋妹, 應該細細聲同佢講〔從以上態度，佢係承傳B的寬仁之心，即係冇咩用，佢自己有事都唔聽講la〕

於是，
M叫佢自己同屋妹講。於是, 蛋溫柔地說：

唔好琴凳仔, 危險呀, 知唔知

但屋妹唔睬佢, 坐响凳仔, 仲將隻腳仔伸去大凳度。蛋姐當時坐响另一張凳仔度, 屋妹隻腳仔橫跨响蛋姐面前。

蛋姐就好大聲喝斥: 喂〔從以上態度，佢係承傳M的怒吼之技〕
然後碌到對眼好大, 手指指話屋妹, 好惡死咁〔從以上態度，佢係承傳M的睥睥眼，再加埋B的眼碌碌技藝而成的〕

對於今次事件，路人（M飾演）憶述，從路人語氣中，應該係驚魂未定： (即係盡得M之真傳)
嚇死我, 仲惡過我
佢對眼真係碌得好大瞪住屋妹, 真係嚇死我

愛的保護罩

愛係盲目的。

今早上學時,

B不小心弄痛了自己：哎喲！

剛好M在身邊，她只係企响B的右後方，唔關M事

蛋黃馬上：做咩整親 B

愛就像一隻蜜蜂，唔理三七二十一，有意或無意想對付佢，針一針你先

彈波波

昨日開學前一天，準備就緒....
校服、書包、被、體溫咭，一切辦妥，唯獨頭髮未執。於是B趕開學前，理順吓蛋黃啲頭髮先。
預料之內，理髮店異常多人，多小朋友趁著最後時間，理髮開學。蛋黃很乖坐在一旁看電視，等B剪完頭髮，然後到她剪。

（下次要帶備圖書為她解悶，因為她真的很用心睇“洛神”，其中一幕，有人將甄宓推落水池。跟住蛋黃一直就問點解“公主”跌左落水池，王子救番佢。下次預備本書，可能有更好的體會呢，或者三國演義，又或者三國志）

理髮叔叔請她獨自一人坐，但佢係都要B抱，算la。過程尚算順利。

理髮後，蛋黃的重頭戲－－彈波波（四個波連成一線，橫又得，直又得，五個波就係大奬）。是否她指力有問題，還是她的幸運指數一直偏底。她與屋妹相比，還差一大截。她有時連玩五回，次次都係差一個才得勝，屋妹至多兩次搞掂，而且係五連波，可能佢手力差啲，但玩彈波的力度剛剛好。

昨天，如往常一樣，四次皆敗。離開，未到十步，唔得la，
忍唔住，喊la：我要貼紙，嗚嗚嗚．．．．
要雪糕嗎？
蛋斬釘截鐵地說：係
B：咁我買yogurt回家吃
蛋：我好肚餓，而家食…嗚嗚嗚……要貼紙
B：你輸左，無喎，唔緊要，下次再來……
蛋：嗚嗚嗚…要貼紙……
B：我哋預備彈波波啲錢用晒，下次la……冇晒錢la
嗚嗚嗚……爸爸賺錢……

OH, NO, B都無晒錢, 仲要即刻去賺錢, 玩彈波波……

這是什麼的小孩，不可以這樣的。為人父母者要用正式規勸，讓蛋黃冷靜，明白事理，問明原因。玩遊戲有輸有贏，下次再來。要學懂放手。

至於賺錢問題，太深奧，真的一時一刻未想到，也不知如何跟她解釋，待日後再說，或許找一些故事跟她說，也不錯。

最後B問，你玩彈波波係唔係為了貼紙？
蛋斬釘截鐵地說：係
B：不如下次老老實實買貼紙 la。

（不過，彈波波雖然係遊戲，或可訓練她們世界上沒有不勞而獲的事情。有時即使付出了，也不一定得到回報。然而，要相信希望在明天，不努力永遠也得不到美滿果實。）

風暴消息

噚日, 雙風暴蛋黃及屋妹一同吹入大廳玩水彩。

11:00了, M要煮飯, 就交個場俾B。一個鐘內, 只聽到B在大廳嘮嘮叨叨, 鬼殺咁嘈。M出外視察險情, 發現雙風暴威力強勁, 登陸後, 大廳地磚全是水彩顏料, 屋妹將一小桶汚水倒在地上。M忍住唔發火, 因為屋妹細, 唔識。於是, 同蛋姐講:

好喇, 唔好再玩, 收好嘢喇, 準備食飯喇。

誰不知, 暴風擺尾, 失控, 學屋妹將一小桶汚水倒在地上, 還卡卡大笑。M火山爆發, 賞她一巴掌, 教訓一頓。於是風暴蛋落下黑色暴雨, 什麼都聽不入耳, B加入戰團。

就在此刻, 奇妙的事發生了。

M一轉頭, 見到風暴屋妹自己急急腳蹲在地上抹地板, 抺得好用心。M&B看見, 叫蛋黃也自己抺乾淨地板。蛋不睬, 仍然暴雨警告, 雷暴警告。於是被B捉入房間冷靜。理由是:

連屋妹都知道要抺番乾淨個地下, 你就剩係識喊, 乜都唔做。

後來B都要冷靜。

最後, 蛋黃自己走出來, 告訴M答應抺地板。

就在這個時候。屋妹告訴M: 抺完喇。

M就指著這, 指著那, 說還有水氹。屋妹終於忍唔住, 喊咗出嚟。

其實, 當時屋妹好驚, 所以醒水即刻抺返乾淨地方, 好努力。然後, 覺得自己努力完, 但M仍然生氣, 說做不好, 所以人就崩潰了。M馬上知錯, hug hug, 然後又安慰又讚她努力, 讚佢好乖好叻。然後, 又讚返蛋黃做得好好。一齊入廁所洗乾淨。

風暴平息! 風暴報告完畢。

A貨喜悅喜閱

蛋黃有咗小果子，屋妹點會無。
經過M的個人思維方面推算，屋妹太完美，無需品格試鍊。

反而看書方便有隱蔽障礙，於是，推出

登！登！登！登！

　　　　A貨----喜悅喜閱

這個又是源於蛋黃姐學校，為培養小朋友閱讀的興趣（還是習慣呢，如果係習慣就差啲，閱讀變成枷鎖，何來得出閱讀之樂，所有樂趣都是發自內心，不經意的）。

屋妹是一個看書翻了兩翻便摺埋的人。可能她已長大，內裏的COPY MACHINE已運作成熟，蛋姐的舉動行徑，也開始照COPY，近日她都會翻多幾頁，這大家樂意見到的進步。

自從，喜閱實行以來，屋妹為了有印仔，印在喜閱表上，也積極要求M每晚為她講故事，這是一個很好的開始。希望她持之以恒。

Ａ貨品格小園丁

M繼刷牙、吃飯有做有奬,奬勵計劃後
又一偉大傑作。

登!登!登!登!登!

　　　　　　　　A貨-----品格小園丁

這個源於蛋黃學校,培養小孩子有良好品格的小鍛鍊。M捉摸到小孩的獨特心態。為加強蛋黃品格的育成,決定在家繼續試鍊。

前晚,便發生這段奇事。事後,M這樣問B，發出一連串的問題，點解．．．．．

其實佢點解喊?
因為自己乖無被注意?
因為自己無乖但想要印仔所以講大話?
因為要自己講出嚟, 所以好驚?
點解要喊呢?
仲好可憐咁

原來孩子做了事情，如果得唔到相對，或者較多的認同，會作出反常的行為，因為蛋黃那天很好，
自己吃飯：盡責
請她刷牙時，即時回應：整潔
好似屋妹不小心弄傷，安慰她：愛心

孩子不讚，長大唔乖
孩子乖了，大人唔讚
孩子可憐，大人唔理
品格果子，如何栽種

屋妹證件相

屋妹下個月要上學了, B為她拍證件相, 拍了70+張, 才得一兩張可以收貨。B虛脫!
你喜歡哪一張呢?

一年了

今天是蛋黃本學期的最後一天上學日。從上年九月到現在八月，時間真的．．．．

眨眼間，蛋黃在救世軍已經一年了。

她多了老師與同學。可惜在本學年，她最喜歡的其中一位老師，因事離開了。對蛋黃而是一個很大的損失。

這學年她嘗試做了很多東西，也學了很多東西，但同時也忘記了很多東西。

在學習過程中，她懂得如何表達自己，克服了一些心理障礙，勇敢了一點。對於克己、忍耐、共享．．．仍有空間改善。她的品格仍待歲月的磨練，她不一定要做鋼鐵，但也不可做豆腐渣。希望她日後靠自己慢慢鑄成。

老師的照顧與善導，她的情緒過敏症慢慢好轉了，只是最近得了惶恐症，膽小如鼠，只有多點時間與她一起，忌”怪獸”、減”獨處”、服”葡萄酒”。

今天散學了

今天是蛋黃的散學禮

有表演，有奬狀，有快樂，仲見到N4哥哥，忍唔住喊了，

不知道蛋黃N4時會否這樣呢？

屋妹又會在明年的散學禮表演什麼呢？

激氣

星期日幾好笑,
下午
蛋黃無端端話: B無端端禮拜日要返工, 激氣
M笑死，然後就話: 係呢, 禮拜日都要返工

蛋黃就話:　咪係囉

星期五

星期五，好熱。
MB不想上班了，陪著屋妹去海灘。

星期五，好熱。
屋妹不想呆在家，陪著MB去海灘。

星期五，好熱。
MB與屋妹，什麼也不想幹，一起去海灘。

星期五，10時多，好熱。
MB屋，送蛋姐回校後，錯過了一班船期，誤了點，遲了入長洲。

星期五，12點剛多一點點，好熱
MB屋，到長洲後，先拜會P-shop，降溫。

星期五，已1點多，好熱，啲沙好鬼慶熱
MB屋在太陽傘後，．．．．．．．．玩沙．．．．．屋妹唔敢落水

星期五，仲係1點多，越來越熱
MB屋，獨欠MB泳裝，搞到屋唔敢下水

星期五，已經2點多，熱左好耐，仲係咁熱
M說屋妹不游，不如遊商場，撤退．．．．

星期五，趕到2點45，舒服好多了，入左船有空調
MB屋坐好，屋吃過大粒丸，過左一陣，嘔野，機警M接住。

星期五，3點幾，悶熱如昔
屋妹回歸，跳跳紮。跟米奇拍照。

星期五，4點半有多了，冇咁熱了
MB屋接蛋姐放學，屋妹去到課室到處盪，冇破壞，亦沒有建設

星期五，6點了，好舒服，大家晚膳了。

屋妹去海灘而不游,有待蛋黃與她一起

家長心聲

(以下是轉載 B在蛋黃幼稚園家教會通訊的「家長心聲」)

　　古語有云：修身齊家，治國平天下。

　　對孩子的期望，未必會想到要她治國，平亂世。重要的是希望她做到修身，這當然不是坊間流傳的「修身」，而是能修養身心，培養良好的品德。因此不辭勞苦，長途跋涉，來到這幼兒園上學。

　　日子一天一天的過去了，在老師的悉心照料及引導下，蛋黃縱使在品格小園丁裏未能獲得理想的「印章」。然而良好的品德已經在校長、老師、嬸嬸的栽種下，稍稍撒下種子，幼芽也漸漸長出嫩葉了。不知不覺間，幼兒園已經成為蛋黃另一個家，老師們也成了蛋黃的至愛群組。在學校裏她學懂了敬拜天父，有禮待人，自律順從。她會聽從老師的指導努力改善（有時會比爸媽更有效）。在學校她自動吃飯，回家卻是依賴他人。經過老師的循循善誘，並加上老師與蛋爸媽的「家校攜手」，蛋黃也逐漸養成從學校至家中，都可以一人用膳無需協助。


　　除行為上的改善，學習方面也見到老師對蛋黃的悉心照顧。蛋黃得見進步，實仰賴老師不辭勞苦的努力。由於蛋黃多小病，缺席日數冠絕全班，學習因而稍微落後。在老師的辛勤惡補下，蛋黃也慢慢趕及其他學友。例如她隨口說出：1、2、3、4、6、7、8，到現在1、2、3、4、5、6、7、8……全賴N2室所有老師用汗水換來的成果。


　　九月，妹妹屋子也跟著蛋姐上學了。人生是多姿多采的，充滿著愛與喜悅，這一切就由幼兒園開始，讓她們慢慢的感受箇中愉悅。

媽媽離家上班去（續）

今朝如常地叫蛋起床，當然又是搞搞吓，囉囉吓，才起床。
不過起身，眼仔大大後，馬上自己落床
然後，走入屋妹房。初時以為她想過屋妹床再囉囉吓，
絕對是另一回事，望望吓，想爬爬吓上去，跟住又停停吓，
出番去，排洗。
跟著便說，媽咪番嚟咪！！！
B說，今晚回來了。

蛋姐真是一個感情，外面失魂，內裏細如塵。

媽媽離家上班去

M離家上班去兩日一夜，孩子雖然如常運作，但是仍然有少許偏差。
特別是屋妹，睡前跟屋妹打電話給M，雖然皮性未改，但看到她的臉，聽到M的聲，惦記著M。聽到M隔著電話唱：心肝寶貝，眼睛閃亮，喜悅之情，悠然而生。非筆墨形容。臉朱緊貼電話屏幕，隔著說了好幾次媽媽。
兩寶都異常想著媽媽，齊說：好掛住媽媽。

直至，蛋姐攞了本書睇，屋妹橫空搶奪，擾攘之聲驟起，溫馨之意境，突然而終。

就這樣：Bye!Bye!

雖然情節有點突兀，可說是無厘頭的終結，但又完全乎合兩姐妹的性格。

書展

一年一度的書展已開鑼，一家四口也趕著這個墟期。漂洋過海趁熱鬧。
為免有任何閃失，全程避免孩子呆在烈日當空下。小心行事，做足安全措施（回家再看，原來那天是大暑，稍一不慎，小寶們又會中暑了）
可能地球已經開始唔適合人類居住了，應該快啲搵太陽系，或以外的地方暫居或移民。

孩子進入會場後，馬上進入狀態，異常興奮。 其中走過一個攤位，她們倆學做風車，突然從某角里走出一個故事姐姐，為她們講故事，兩姐妹初時異常投入，跟著蛋黃與屋妹表現如常。

投入

一個聽，一個搞


一個繼續聽，一個開始去搞人

狠招 vs. 狠心

因為屋妹打傷家枝, 所以被M施以最嚴厲的懲罰：無奶奶豬。

屋妹仿如晴天霹靂, 哭了一會, 休息一下。
突然, 屋妹想到絕世好橋:

媽咪, 我好掛住你呀！(微笑著)

屋妹的誘惑, 凡人沒法擋！

不過, 全世界的媽媽都不是凡人。

M抱抱屋妹表示錫錫, 屋妹就以為乜事都無, 動手動腳想吃奶奶。然而, M嚴正地聲明:

我話咗今晚無奶奶, 因為你打家枝, 要懲罰, 已經講過3次了, 你聽唔到嗎？

屋妹技窮, 只好認命了。

傷人報告

噚晚, 屋妹又打穿家枝個頭。

事緣屋妹想看蛋姐的書, 蛋姐借她看一會兒。一會兒過去了, 蛋姐自己都想看, 於是想攞返。屋妹當然不讓, M正在勸屋妹還書之際, 蛋姐不耐煩, 一手搶書。屋妹見狀, 豈有此理, 馬上用書角敲下去。蛋姐狂哭, 因為額頭多了兩個洞, 屋妹則獲贈M的一巴掌。

M不斷安慰蛋姐, 並向她報告傷情(況):
哎吔, 雖然無流血, 但係有兩個窿呀, 慘啦。

蛋姐本來哭得利害, 卻突然收聲:
我想睇吓鏡呀(果然貪靚得無藥醫)

照完一輪鏡後, 蛋姐發覺是M小題大做, 靚樣仲係靚靚, 就放下心頭大石了。本來係B負責幫蛋洗白白, 都換了M上陣。皆因怕B不小心, 洗錯傷口, 痛得蛋又再狂哭不止, B受不了。M小心翼翼, 但蛋仍嘮嘮叨叨要M小心不要弄痛傷口, 煩呀！

美德的培養

兩個小可愛在你擁我抱之下，日漸長大。嘻嘻笑笑，吵吵鬧鬧，打打駡駡之下。依然燦爛地相互扶持著。
屋妹是惡人，每碰不喜之事，必是怒吼為先，跟住揮拳為後。最後走人了事。
蛋姐是喊人，每遇不愛之事，必是眼淚為前鋒，大哭為後援。最後難以收科。

幸甚的事，兩人各自發展，偶有互通聲氣，也可變成複製貓。
兩人同坐一枱，
還偶蛋姐傻笑，屋妹也跟著傻笑一番，而且越演越烈。
用膳時，屋妹佻皮地雙腳放枱，蛋姐亦依著行事。

不管如何，瘦田無人耕，耕開有人爭。兩姐妹總愛搶著同一本書，同一玩具，互相爭玩，爭看、爭玩、爭野已經成為她們的遊戲之一。當然這個世界不是講理，是講惡，最後總是屋妹得勝。

最近蛋姐，對於不喜歡的，馬上便會說：
我唔鐘意你。
跟著便自己走入房裏去。

屋妹的加強版：
行開，我唔鐘意你。
更高明的是，自己唔駛郁，叫你行開，問你怕未。

孩子倆互相爭吵是家常便飯，無傷大雅。不過，動手動腳也就欠缺優雅。可惜的是兩寶年紀相距不遠，自然未學會孔融讓梨（不過，近日蛋姐也多次禮讓屋妹，為了將她這個善因放大，當然M&B極力褒奬，讓她成為倆姐妹心中的必然美德。）時間是力量，讓她們慢慢地學會。

***不過，有時看到她們爭吵，真的是氣上心頭，腦充血而死。什麼都可爭。

回應：我聽日唔會喊

果然，跟著那一天。蛋黃好安靜，好正常地完成她的晚膳。並沒有發出噪音。

然後說：你睇，我食晒。

真係好，不過．．．．．．．

翌日，又喊了。＞＿＿＜

神蹟顯靈

屋妹好似一個金霸王小白兔，永遠不停步。到處搞搞震，失驚無神的打一吓蛋姐，咁又走開。

今日與蛋姐放學回家。她竟然出奇地，安靜地，坐在沙發上看書。

怪不得天文台話今天落大雨，都會出太陽啦。

M注 : 大家可能會覺得B上述Blog語無倫次, 唔知講乜。可能係因為B太感動了。其實, 係蛋姐當日居然真係無喊到。(請參考上一個BLOG)

我聽日唔會喊

昨晚蛋黃失驚無神地嚇你一跳。

又是在晚飯時間，這一個恐怖時段，蛋黃真係令你估佢唔到。
她說B唔理佢（因為唔同佢坐），唔鐘意蛋黃（因為抱住屋妹）。
不過走去抱佢（蛋黃便會說：我唔鐘意你，唔要你，行開），這樣她自己便拔足狂奔入各個房間，次序為廚房、廁所、跟住入睡房，由於每間門都安有防夾裝置，到最後迫於無奈入睡房。

進房後，喊，瘋狂的喊。過了一會，B進房抱她時，情緒稍為緩和了。

坐到飯枱前，吃飯，突然之間又發傻了，突然之間喊（B唔理我，唔鐘意我，你行開），又跑往房間內狂哭。又唔准B入內，因此 B命令蛋進入自己的房間（如果，真的唔俾佢入，咁今晚瞓邊度，於是嗱嗱臨將蛋黃物資搬去佢自己房）。

如是者，至到屋妹與B避走天台，蛋黃見不到B，她的情緒才平復下來。

（可惡的屋妹，在蛋姐瘋的過程中，不停的挑釁蛋姐，用書打佢，卡卡咁笑，走到蛋黃姐身邊拍佢，B同蛋姐說話期間，要B同佢玩）

當大海回復平靜時，聽到海鷗在叫囂。
隨著叫囂聲中隱約聽到：我聽日唔會喊。

兩個頭一幅畫

屋妹很安靜坐在蛋姐身邊，看著她畫。
不過，過了幾分鐘。屋妹按奈不住，搗亂。擦走家姐的畫，用筆：畫蛇添足。

破壞前一刻，不知道是否完成了，為它作個歷史的記錄吧了。

我們與巴斯,胡迪偶然相遇

兩個人，六個頭

五隻眼，兩隻手

源頭

近期蛋學校，手足口肆虐，搞到人心惶惶。
源頭有可能是源自蛋呢！

B問醫生：蛋會唔會係源頭，家陣學校咁多手足口點算。如果係源頭，係唔係有抗體。
醫生笑住咁答：有可能o既，佢傳左俾人，先至發出黎架。抗體都有o既。
B心想：嘩，蛋有咩叻，依家就做咗帶菌者，都幾勁，都好過冇。

主耶穌食Yoghurt?

復活節, 蛋姐在學校學了新歌仔：

　　主耶穌釘十架，釘十架，釘十架
　　主耶穌釘十架，是是是

因為日唱夜唱，屋妹也學會了。
有一天，B買了酸乳酪，係蛋屋至愛。當坐响枱前等B準備食物的空檔，屋妹搖頭擺腦唱歌仔：

主耶穌食yoghurt，食yoghurt，食yoghurt
主耶穌食yoghurt，食yoghurt，食yoghurt

M&B O晒咀，蛋姐笑到轆地！

精靈妹

屋妹最近異常精靈，愛強吼。事無大事，都喜歡：哇。
瞳孔擴大，面部扭曲，張口狂叫，震耳欲聾，令人心煩。直至所想之事，能夠得逞才止。
今晚吃飯，由於魚有骨，保姆L替她先檢查一吓，屋妹僅在數秒之內幻化成獅子王，雙目瞬間擴大，手執小匙，兩張咀狂叫，不斷狂吼。令在旁者無不嘩然。在旁之人靜心細訴因由，不理不聞。

再唔係，屋妹有時叫你幾聲，會擰歪面，兩隻小手撓著，仲會嘟長條咀。真係俾佢激死

有時候在跟孩子說道理，你有你說，她有她叫。所以會很疑惑的繼續跟她解釋，是否真的聽到，可能家陣還細，唔識離開一下（不過蛋家枝識咁樣做）。於是大聲叫喊，唔鬼聽你講野。
於是，有時會讓她渲洩一下，然後繼續埋頭苦幹的做，她有她尖叫，我有我們繼續幹活。究竟何時她會靜心的聆聽者。

係我o架，俾返我！

係我o架，俾返我！

這句話常常聽到在兩個小寶之間聽到。當然這句說話一般都是由蛋黃口中說出。屋妹最喜歡搶走姐手中物，可能她更喜歡看到蛋姐的反應。“喊”。

不過，這些“欺凌”事件，卻禍患頗深。搞到午夜夢迴時，蛋姐竟然說：係我o架，俾返我！
嚇到枕邊B，不知如何是好，究竟攞左佢啲咩，夜晚晚喎。唔好嚇人先得o架。因為每晚睡前蛋姐攞住大批o野入房，書、雜誌、手工工具、玩具．．．．真係以為攞左佢。

呢個真係日有所思，夜有所夢。都要教教這兩個小寶寶，學懂禮貌地借取，學懂堅定地斥責，如有不公正之事，應溫順地教化兇獸。辨識屋妹的真正意圖，請勿墜入屋妹的求哭黨的圈套。

或許屋妹平日一個人，非常沉悶，搶了蛋姐手中物，會有如此強烈反應，真係覺得好開心，好得意。於是樂此不疲地以此為樂。

MB見到當然馬上去平息糾紛，特別是聽到蛋黃喊，希望她盡快停哭。

近來想一想給她倆一些空間，讓她們自己解決。
讓蛋黃明白哭不能解決任何問題。（因此教了變身蛋黃叉腰超人）
讓屋妹明白惡不能橫行霸道，以為惡可遮住半邊天。（因此向屋妹灌輸為人妹，應該行之禮儀）

兇惡猛獸

好惡之心，人皆有之。

屋妹這方面尤為剛烈。相比蛋姐那種喊左先講，講完又喊，喊完又喊。是兩碼子的事。　

當屋妹遇上不合意，馬上大叫、大打，眼仔會斜視，一邊走開，跟住撓著手走人，唔睬你，唔理你。

MB叫屋，越叫越走。倔強是她的性格，兇惡是她的脾性，試問蛋黃這類只懂喊的小朋友，如何面對這類型兇獸。你懲罰她，她會更兇。

昨晚，不知道是什麼事，她竟然將小書打蛋黃個頭。當然蛋唔理三七二十一，絕招：喊。B即時喝止。教她大聲說：
蛋：做咩打家枝
屋：哇，哇（呢啲係咆哮，唔係喊）
蛋：你知唔知錯
屋：哇，哇（呢啲係咆哮，唔係喊）
蛋：快啲同家姐講對唔住
屋：哇，哇（呢啲係咆哮，唔係喊）
跟住屋妹不停的咆哮，然後自己行左出去，頭也不回地走出客廳。以為佢走去面壁，誰不知去搞搞陣。跟住同佢講野，繼續走走，走上梳化，用枕頭遮住自己，唔理人。
後來，經過M的悉心調教，走去同蛋姐講：對唔住。
蛋：以後唔好咁LA，乖。

孩子現在不教，要待何時。不管屋妹是否知錯（睇佢都係順口開河，講完就算）。
希望她能明白什麼是不可為，做錯了之後，如可改過自新。要有一個大愛之心，愛由身邊之人做起，他朝成長，試問身邊那有一個真愛你之人。姐妹之情由小栽種，學懂分享，學懂忍耐，學懂包容。希望屋妹（蛋姐）日後明白箇中道理。

M注：B要M寫下馴獸方法, 其實有咩方法吖, 咪係等件事隔一陣, 屋妹就肯聽講了。屋妹是不能在火燒頭上跟她對碰的類型。

叉起腰：做咩野

兩姐相鬥，必有一傷。可惜是小強大弱。長此下去，不是辦法。再者，大蛋為天生喊包狂，小屋為前生小惡霸。試問在這個奇怪的組合下，誰勝誰負，亦不容多言。應該將之撥亂反正，維持一個健康的蛋姐與屋妹的形像。

當然不是教她倆大欺小，小忍大。見到小惡霸這欺凌相，大喊包柔弱精，真係見者心煩，聞者頭痕。今天屋妹兩度發生事件。搶了家枝的哈吉化妝寶盒，家枝大聲說：俾番我。屋妹當然不會如此乖順，隨手將之掉落地上。結果，只有一個．．．哇，哇，哇

案例二，屋妹見家枝手中靚紙（只係一張普通雙面粉紙的銀行宣傳單張），都係那些熟口熟面的情節，家枝當然唔會俾，屋妹霸王硬上弓。最後屋妹施擒龍手，不是搶家枝張紙，而是搣家枝面豬。結果同上。

即係馬上教蛋姐，首先叫佢唔好喊。叉起條腰，
講：做咩打家枝，
．．．
知唔知錯
．．．
快啲講對唔住。
．．．
唔知錯，快啲五分鐘

初時屋妹，又係嘟嘟咀，撓撓手。即刻叫蛋姐主動攬住妹妹，跟住屋妹馬上話對唔住，跟住兩個卡卡卡卡，咁笑住攬住走左去。

學做賴皮人

訓練小孩不可以速食，如同古人智慧：欲速則不達。

為了鍛鍊蛋黃成為獨睡人，M&B狠下心將她與B分離（事後B都有點捨不得）。以為M與屋妹跟蛋黃，三個女人共處一室，會非常興奮。誰不知蛋黃對B的依戀，已成為一種病態。入房不多久，

只會聽到：哇！哇！哇！哇！好掛住B
跟住聽到：快啲瞓，唔好喊，自己乖乖瞓好．．．．．

每次B都是在門口側耳而聽，真係唔忍心，見到海綿寶寶變左 "可憐寶寶"。若開門見面，定必成為M的刀下亡魂，只有避之則吉，越行越遠。

換來就是B在蛋黃心中的人氣，如同股市大跌，一跌不可收拾。回想起來前陣子，蛋黃的情緒起伏跌宕，心中對B好惡，像霧又像花，捉摸不定，時而手中緊握一朶花，轉眼卻像霧中看花，看也看不清。
唔鐘意你，唔同你做好朋友，行開，走開．．．．等等，蛋黃程度的八字真言盡出。

無奈幾經波折，始終蛋黃都要情歸B處，與B共睡。
不過自從蛋黃病了，恐防她會傳染給屋妹，於是她成功歸隊，回到B的懷抱。想起當日，她嘴角微微向上揚45度，兩隻小月亮眼睛，面豬走出兩個小酒窩。真係差啲會講出一句“幸福”字語出來。

自此以後，蛋黃又回復一個正常的蛋黃，更奇怪的是每朝B 的叫醒服務，她都報以微笑，不像從前的哇哇起來。不過，自此病咗與B共睡後，M總覺得蛋黃常有小病纏身，令她懷疑是否蛋黃為了跟B繼續共睡，而使出的計謀。

可能是我們想得太多，小孩子還是讓她順其自然，蛋黃想說：跟B瞓多一晚，兩晚，三晚，四、五、六、七、八．．．．．

或者她暫時未學會做獨睡人，但已學會做賴皮人，一直賴在B的身邊了。（最多都係四五年，大了之後還會賴嗎？）

双生兒

3.5蛋

今日保姆L說是蛋的3.5。所以才為她祝賀一回。
（事實上，M&B都未有計劃，B對於點數更加搔頭，點計得出來，整數不是好一點嗎）
由於學校維修，沒有水供應，本來讓蛋回校上課，感受一吓冇水的一天。點知昨晚說：
學校裝修，老師叫唔好返。

咁今日就冇返學。B就同老師講：蛋話學校維修，唔返學。
睇o黎這個女都幾懶吓，掛住玩。因為佢話：我陪妹妹。
真係小孩子為達目的，什麼籍口都講得出，而且唔會面紅。

也去湊熱鬧

健康

（以下內容可能引起不安，敬請PG家長指引）

昨晚，四個頭八隻腳漫步夜色下，
見一隻隨處便溺的大"小狗"

B問：點解隻狗痾尿
蛋答：隻狗健康咪痾尿

小趣一則

話說，蛋姐小小事，都會喊到拆天。
B愛惜蛋兒，有時真係忍唔住，人都顛。

有一次，又是為了一些小事大喊，屋妹剛巧在旁邊。佢都忍唔住，打了家枝一吓。

B忍唔住說了：THANK YOU
屋妹竟答：WELCOME

甜姐兒

屋妹的咀巴真係好甜!

星期一晚, 兩隻寶食晒自己啲餸得白飯。M見佢哋咁可憐, 將M&B的中午便當菜--獅子狗炒菇菇分一點給她們吃。(因為近日買了一本《週末搞定一週便當菜》, 所以煮了很多)

屋手舞足蹈, 吃了一口: 媽咪, 好好食呀。
真乖!

昨晚, 已忘了什麼原因, 蛋又在發飊嚎哭。B正在教瞓蛋中, 屋走過打了蛋一下, 然後走開。
B: thank you.
屋: welcome.

今早, 保姆L幫屋在廁所排洗期間, M差不多要出發返工, 到廁所跟屋say goodbye。
屋: 媽咪, 好靚呀(看著M的衣服)。
咀仔真係甜死人。M要小心糖尿病了。

(續) 嗚嗚......我好掛住爸爸

前晚, 本來B見蛋咳得咁利害, 就破格陪蛋瞓。點知瞓到半夜, 唔知係唔係發惡夢, 蛋黃發顛, 腳仔係咁踢。B終於頂唔住返自己房瞓。

瞓到半夜, 蛋黃醒咗, 見唔到B就喊喊。
M當然安慰蛋, 叫佢勇敢啲, 自己瞓(其實M跟屋妹在同一間房的另一張床而已)。

蛋話好驚, M就話: 頭先你發惡夢, 腳仔踢踢, B被你踢暈咗喎。
蛋依然喊喊, 話掛住B, M就溫柔輕聲地話: 你唔好再喊喇, 嘈醒屋妹你就知死呀。

突然, 屋妹彈起身, M拍拍屋再瞓過。
M:(繼續溫柔地)你已經嘈醒咗屋妹喇, 好同我收聲, 要喊合埋把口喊。

如是者, 蛋只好飲泣, 喊濕了幾個枕頭。然後, 又突然彈起身同M講: 我好掛住爸爸呀。
M見蛋咁可憐, 又咳咳, 於是同蛋講: 我去睇吓B醒咗未啦, 如果B醒咗, 我叫佢陪你吖, 不過如果B仲係被你踢暈未醒, 咁就無辦法要自己瞓喎。

蛋當然乜都聽唔入耳, 只係聽到M會叫B陪自己瞓, 好開心, 收聲。
M: 疴唔疴0殊0殊呀?
蛋(搖頭)
M: 喊咗咁耐, 賴濕張床你就知死喎
良久, 蛋點頭要0殊0殊。
完成, M準備幫蛋上床瞓過。
蛋: 我哋去搵爸爸lor
於是,M拖住蛋去搵爸爸, 然後一隻樹熊黏在B身上。

當蛋睡在B的床上, 雖然面有淚痕, 但咀角微微向上。
M:0依, 點解你笑笑0既?
被M篤爆, 蛋忍唔住笑咗出0黎, 好鬼開心。
蛋: 媽咪, 點解你得番個咀巴0既?
M:????????

M起初ao晒頭唔明白。原來, 之前蛋黃發惡夢, 夢見M變咗怪獸無咗眼同鼻, 得番個咀, 所以好驚, 腳仔踢踢。

嗚嗚......我好掛住爸爸

話說，為咗要幫蛋升呢，成為一個立小可愛，進行狠心大特訓（對Ｂ而言）．．．．．．．自己一個人睡。

真係好可憐，自己一個人。

有時被逼一個人睡，只可獨自飲泣。真係好可憐，又俾Ｍ鬧，唔好嘈醒屋妹。真係．．．．

這是上星期，M送蛋返校途中。這天蛋黃笑得好甜好開心,引發起以下對話:
M：點解咁開心
蛋：B噚晚同我一齊瞓
M：咦, 奇怪喇, 噚晚又無行雷, 點解B同你瞓0既?
（因為前幾晚，因為行雷，M特准B可同蛋黃睡)

蛋笑笑口, 甜絲絲咁話: 我驚吖嘛
M：噚晚明明係你自己瞓故喎。我知喇, 可能係蛋黃驚驚, B感覺到, 然後馬上過嚟陪蛋黃瞓

如是者，蛋黃聽到後，笑笑得好鬼甜。
以下是M的形容：甜過蜂蜜糖漿

妹妹打我，家枝打我

孩子長得太快，成熟了很多。
以前下班兩只寶會馬上走過來，攬著你不同的部份，首先係腳，如果你蹲下來，馬上跳上你大脾，熊抱你修腰，幻成樹熊小天使。跟著你，貼住你唔走開。

家陣，唓！唓！
門鎖剛開．．．．
蛋：妹妹，打我個頭，我冇打佢，好痛。

初時的屋妹，會默不作聲，馬上走過來攬著你。隨著時光飛逝，人也開始成熟了，知道什麼叫反擊，不再是以前沉默的羔羊。即使做錯，唔緊要，最重要是什麼．．．

轉移視線。
屋：家枝（姐）打我，
M or B：咁痛唔痛，
就係咁兩個開始你一言，我一語。總是叫個不停。真的是沒完沒了。

蛋有時會加多一句：我好乖，冇打妹妹。
（但是，乖不是不打人，而是不要將不打人的作為乖乖系列中的特別專輯）
（打人是不正確，不正態的行為）
聽到這句話只有ｏ咀加無語。
乖的是，教導妹妹不要打人。不是縱容屋妹打你，因為你是一個不還手的不倒翁公仔，打極都唔會還手，而是最先進的型號，有音量調節，公仔會發聲的．．．．

Family Tree 解說

謝謝老師（圖例說明）

咸屋

真係好彩,好彩M&B生到兩個可人兒。
真係好彩,倆個都係女仔。
真係好彩,咁樣啲衫就唔怕冇人執手尾,有效的愛自然,愛地球。
真係好彩,蛋黃好精靈。
真係好彩,好似屋妹比蛋黃更精靈。
真係好彩,屋妹係女仔。

唔好彩的是屋妹好鬼咸濕。
如果佢係男生,真係分分鐘M&B去差館,會多過去見家長。

屋妹這種人是逢"朱"必愛!
由M的,到保姆L,直至最近B的"朱"。佢每日的期待便是M回來時,熱烈地歡迎...

她的"朱"

嘩!她的月亮彎刀咸濕眼,真係令你五體投地。
最近M為響應瞓覺應著睡衣的宣傳活動, 穿了睡裙。屋妹見到M的吊帶睡裙,眼睛、口水差不多全部跌晒出來。即刻撲過M處,變成M&M。

不知何時屋妹可以戒了這個壞習慣。最好越快越好,否則當她長大後,出街時仲未收歛,突然成隻手伸入人哋件衫時,真係不堪入目兼設想。

罪過。

屋妹嘻嘻哈哈

平面圖，還是family tree

大伯父，大伯娘送了一塊白板後，她們倆極喜歡在白板上畫畫。

屋妹最愛在板上不停的打圈，蛋黃則愛畫人，畫公主。最近便畫這張家居平面圖：

謝謝，老師

老師因要照顧孩子，未能身兼兩職。

要走了，蛋黃畫了一張咭送給老師，以表心意。



在此M&B，也感謝老師對蛋黃的悉心照顧。

天氣好，去郊遊

昨天天氣好，不如去郊遊，上山了。特別係屋妹，常常困家中，有街去，有如久旱逢甘露，歡喜若狂。上山去，真近便，一家大小，行了二十多分鐘，便去了一個有如私人的大草地。（因時間尚早，山友們仲未出現，可惜時間一到，一批又一批山友殺到，高談闊論，非常熱鬧，為免打擾人家雅興，見狀後，亦收拾收拾打道回府）

在活動前，先吃包。食包，食飽，食包飽。請各位郊遊小朋友，在郊外野吃的小朋友，小心突如其來的大狗，牠們會失驚無神將你手中食物，走。

話說，如上圖她們在吃東西時，突然某山友帶著兩隻巨犬散步（高過蛋屋，便可歸入巨犬之列）(M注:是兩隻金毛尋回犬, 所以無論對比誰都是巨犬!)，兩巨犬已走過來涼亭，山友某已高聲大叫：唔駛驚，唔咬人，唔駛驚，佢好乖。

B&M已駕開，小心巨犬食了兩隻寶的頭顱，可惜頭顱雖保，但是其中一隻巨犬，出其不意的將屋妹手中的 "芝士餐肉三文治" 走。

B都儍了，竟然對住隻巨犬說：有冇搞錯。

至於屋妹，好鎮定，若無其事。其實是已嚇到呆咗了。驚驚，要即刻飲奶奶，再食三文治定驚。

而山友某則說，唔駛驚，狗洩洩，你過嚟打佢。

巨犬都左舊三文治，仲會過去搞佢咩。

嚇完，食飽後。玩吹波波。唔係，係玩倒波波水。倒晒，用嚟裝石仔。周圍走，搞吓啲草，花，執吓石仔。就係咁。得閒又食吓，飲吓。

蛋黃吃飽後，坐在大樹下，好俾心機咁寫生。佢係低著頭，什麼都唔睇咁畫，畫完，去玩執石仔。咁樣同係屋企畫，好似冇分別，都唔似寫生。可能係用個心感應吓，大自然給她無限靈感，用個心眼去睇，用隻手去畫。

CBO

近日，不知為什麼，蛋黃的情緒有點失控。搞到B都跟著蛋黃走，變成CBO（CRAZY BABA :o）。

當蛋黃遇著不如意，不稱心，便說：
我唔同你做好朋友
我唔鐘意你
我唔理你
你走開啊
NO
哇！哇！

例子一：
在街玩彈波波，彈中五或四連珠，會有奬品。中了一定開心。差少少，即刻大喊，要再玩多次。（唔俾）喊，開始重覆上述用語。

例子二：
B:明天接你放學喎
蛋：好野，買野送俾蛋．．．．
B：唔可以成日買野．．．
蛋：瞓覺．．．．．喊．．．．唔同你瞓．．．你走啊．．．．．．我唔鐘意你．．．．
如是者，喊喊喊，越來越大聲。

聽蛋黃的校長說，小朋友在學校太乖，壓抑太大，在家的表現會差20%，這是小朋友常態。但是蛋黃的症狀，似乎係馬上變成 "超級無敵限量終極撒亞人"，沒有任何保留餘地，佢威力，足以搞到屋妹呆左，跟住想打佢（見到屋妹，個樣皺晒眉頭，應該係一個煩樣。）係一種反常200%的樣子。

同一時間，如果父母，即係M&B在這樣情況下，情緒上亦變成超級撒亞人，場面都幾難收拾。不過B依然受到感染，變左身。幸甚，還有M 即刻變成剪刀，將這個 "超級無敵限量終極撒亞人" 的尾巴剪掉，讓她回復正常。

照顧孩子如同角力，如何以柔制剛。真係你估電影特技，話咁易。電影特技的後期製作都要幾個月時間，同孩子玩特技（特殊抑壓技）真的要不斷學習。

阿門！

我要對女仔說 yes ! yes! yes!

話說，M&B一直積極地讓蛋黃一個人睡。

然後再鍛練屋妹睡，咁就兩隻小魔怪一間房了。
可惜，B的閒吓閒吓苟且的心態，未能貫徹地執行最高的指示。依然與蛋黃一起甜蜜蜜。

直至近日，蛋黃嚴重且失控的鬧情緒，閒事一樁，便會哭過不停，繼而動手動腳，郁頭。初時，曾經懷疑保姆們是否給她吃了ｆｉｎｇ頭藥水。 如是者，B終於按奈不住，突然搬離住房，有見及此，M當然馬上斥令蛋黃乖乖睡在床上。

另一方面，也藉著這黃金機遇，入主蛋黃睡房，踢走那個懶懶B，積極地執行一人一床政策。

可憐的不僅是蛋黃，要自己一個人睡，更可憐的是B，斯人獨憔悴，獨守空房，孤伶伶一個人睡。蛋至少有M&M（Mui Mui，又名屋妹）伴碟。

不過，經過了兩天的特訓，蛋黃已漸入佳境，開始可以一個人睡了。

而M則乘時大叫：

對男仔說：NO! NO! NO!

我要對女仔說：YES! YES! YES!

骨骨

因為過去蛋姐曾兩次哽魚骨, 所以, 蛋姐經常在飯桌上跟M&B說: 有骨就ler出嚟呀, 唔好吞呀。久而久之, 屋妹以為魚魚就叫做骨骨, 引申為所有肉類都叫做骨骨。

M&B開飯時, 屋&蛋例牌要客串一番, 爭食!

因為怕她們哽骨, 所以一般不給她們吃我們的魚。
因為怕有激素, 所以一般不給她們吃我們的雞。
因為怕有哮喘藥, 所以一般不給她們吃我們的豬。
因為怕有瘋牛病, 所以更不會給她們吃牛肉。

因此, 剩下的就只有菜菜。

屋妹就會發狂大叫: 骨骨, 骨骨!!她是「無肉不歡」流派的弟子是也。

飲歌

屋妹懂得幾首歌仔, 包括Barney的"I Love You, You Love Me", "ABCDEFG"。近來, 有一首飲歌, 歌詞如下：

滑滑lu lu, lu lu滑
牛油蛋撻....滑
味.......阿滑
.........蛋撻

各位潮流達人, 估唔估到係咩歌仔?

病完又病,然後再病

M&B最怕什麼? 蛋黃不吃飯? 屋妹搗蛋?

不是，最怕兩雙孖寶齊齊病了，輪住嚟病。一個好了，一個又來。 蛋黃因病留家，已成為全班之冠。無人能及。說為她著想，想她多留家一日，多點休息。

希望回家時，笑著跟你說，可唔可以食一粒(糖糖)。 上星期，病情已好轉。誰不知，老師的奬勵成為蛋黃病情轉劣的導火線。老師給了一舊朱古力給她（這是蛋黃說的），試問三歲小孩如何力敵如此誘人的朱古力? 吃了，跟住咳了。連續幾晚咳到瞓唔好，食飯會噴飯。唉！一個朱古力帶來無窮殺傷力。

跟住上星期五，帶她去見(中醫)婆婆，B要她自己跟婆婆說點解搞成咁，蛋黃即刻喊晒，做錯事，驚人鬧，食左嘢，驚食藥。

大小同格，沒有差別。

你去罰企

噚日, 保姆L同屋妹在公主蓆度玩, 保姆突然跟屋妹說：你個樣真係好似M（英文）。然後响度笑騎騎。

屋妹以為保姆恥笑佢（點解樣子似M是恥笑？唔明白）, 發惡, 用手指仔指住保姆的面豬。

屋妹：果度, 5分鐘。
（平常屋妹做錯事, 被罰面壁思過地點, 稱為「思過崖」）

保姆唔識中文, 無反應。屋妹拖住保姆到思過崖, 自己示範一次如何罰企, 然後, 叫保姆罰企, 自己則返回公主蓆坐下。

保姆：罰幾耐呀？5分鐘呀？ (英文)
（數分鐘過後）
保姆：5分鐘lu喎, 得未呀？(英文)

然後, 屋妹露出棚牙怒叫。B只顧在一旁偷笑。

騙人容易,騙屋妹更容易

孩子頑皮，獨愛跟你作對。
特別是佻皮的屋妹
要她向左走，她愛向右走。
要她乖乖吃飯，偏愛家中四處走。
要她早點上床睡，卻扭著門邊呆坐。仲要嘟嘟咀那種。
要她去清潔牙齒，卻愛大聲尖叫，哇哇嘈。

不過，當M&B摟著一團，她就會馬上大叫，狂哭，然後乖乖跟著M走，．．．．

妹妹也影相

幫寶寶拍證件相真是一件苦差事。

完成作品

可愛屋主

扒地熊

扮鬼臉

吃飯笑嘟嘟

圖解說明

做運動,身體好

剛過去的星期天，四口之家再次出動，前往海濱公園，喪玩，喪走。

蛋將之記錄如下：

我要人冇我有，唔要人有我冇

兩個小孩子，真的一個都不能小看。

話說星期天是屋妹足兩歲，自然要同佢慶一慶。買個蛋糕，買份禮物。（姑姐送了一個Hello 吉米水壺，屋妹熱愛）

在蛋姐眼裏，沒有什麼生日概念。總之屋妹有，佢冇，總覺得不是味兒。當屋妹揀禮物時，沒有蛋姐份，已經有啲嘢了。不過，B見勢色唔對，馬上俾佢玩多次彈波波。好彩中咗，有一本精美維尼貼紙填色小畫冊。仲可以壓抑一吓心裏面的不平衡。

不過，蛋姐仲細，小畫冊更細，不能夠撲息心中不滿之火。回到家馬上要切生日糕。這個切糕動作，當然要由小主角，屋妹做。

M&B於是請蛋黃稍等。誰不知，蛋姐嚟料，唔開心，要玩送給屋妹的生日玩具。當然又要由小主角作開禮物儀式。蛋姐又不滿，走上梳化發爛渣（咦，有點似港女）。叫佢快啲過來吃糕，唔吃。再叫，才過來，等一會，又發爛渣，又走番去梳化（嘩，港女因子），大哭！！！

最後要由M開導她，攬住佢同屋妹一齊吹蛋糕，才完事。

小孩子，還是小孩子，還是要說多一點道理。

還是L保姆機警，這晚放假回家後，買了米奇給妹妹作生日禮物，同時又買布魯圖給蛋姐。讓兩個都開開心心。這個M&B要好好學習，買東西送給她們，都是讓她們開心的。這麼小的小孩，又如何忍受得了人有我冇，不過卻可忍受人冇我有的心態。

還是要找時間與小孩傾吓心事．．．．

(M注: 事後, 蛋姐同M講, B唔錫蛋, 唔理蛋, 剩係錫妹妹。)

姐妹面試(節錄)

昨天，M與兩姐妹一齊面試，節錄部份細節如下：
面試完咗!
臨走之前同蛋姐一齊執嘢, 蛋姐見枱面有一盤積木,
同校長講: 無人執喎
校長話: 咁唔該你同我執丫

於是，蛋姐就幫佢執埋
其他細路女無尼手尾, 玩完拍拍攞柚就走

M話如果蛋姐舊年考n1 sure win, 因為好過屋妹好多, 起碼無尖叫。

在睇相環節,
校長話: 嘩, 好靚喎, 邊個嚟嫁?
蛋姐: 我嚟0既
校長: 你食緊咩呀?
蛋姐: 提子
校長: 你鐘唔鐘意食提子呀?
蛋姐: 鐘意

校長: 果個邊個嚟嫁?
蛋姐: 屋妹
M轉述, 因為顧住睇屋妹同人打交, 聽唔到下文。

鏡頭一轉，交待一吓，點解屋妹同人打交。
為何屋妹人仔細細都打交，請繼續．．．．．
M說，人人爭玩煮飯仔
個個都唔肯洗碗, 要煮餸煲湯
啲面試姐姐（共有兩位，每位三歲）唔讓佢, 推佢。屋妹豈是那些泛泛之輩，當然不會退縮，無論忍前忍後，屋妹永遠都先挺身而出先．．．

於是M同佢哋講,
咁佢哋就讓屋妹, 姐姐都OK，一齊玩。
不過三個人一齊煮餸, 真係好逼

屋妹兩歲了

屋妹兩歲了

依然精靈乖巧，
感謝各位叔伯兄弟贈予禮物。

祝屋妹體魄強健，不要欺凌家姐。

真係乖到暈

蛋姐噚日好乖
噚日, M忙得要命, 又要忙煲寶寶湯, 又要忙煲B的咳咳湯。屋妹入廚房搞搞震, 喊到鬼殺咁(因為下午沒有瞓覺)。
蛋姐就去廚房拍拍屋妹安慰佢。
點知屋妹發老脾, 一手推家姐。
M就一巴打過去, 鬧了屋妹一身。
屋妹就好可憐咁一面喊一面攬住蛋姐。

蛋姐又好喎, 原諒佢, 又攬住佢。
因為屋妹肥肥, 成個人挨落蛋姐度, 蛋姐有啲唔夠力, 失了平衡。兩姐妹笑笑。
然後, 蛋姐話: 無事啦, 出嚟啦。
咁就帶咗屋妹出去。

以下是M的評語：
我唔得閒讚蛋姐
真係乖到暈
暈咗

BB推車

再上上星期天，

天轉暖，宜出門，四口子，遊公園
大家姐，變小Ｂ，小屋妹，驟變大

人細細，學推車，大啖啖，雞肶

終累了，三美女，大石上，嘆下來

學推車

太累了，勞動後，大啖肉，失儀態

靠大石．坐大石．坐大脾，都係休息中

小遊博物館

上星期，寒雨下，四口子，學文化

展廳內，到處跑，不怕累，嘻哈哈

探知館，樂無窮，遊戲多，不會悶

羽佳展，戲服閃，來拍照，以記念

砌積木

不是積木，是拓本也

摟埋一舊的氹氹轉

行到倦了，坐一坐。
但是博物館地方不可以隨便坐下來喎。

拍照留念，已擺好姿勢。但是有人突然走來，看展品。