屋妹讓Lyn

成日在想, 為何我家孩子一日爭嘢爭到黑, 點解唔可以好似孔融一樣, 細讓吓大, 大又讓吓細。

又係講緊M&B偷去寶島快活時的事情。

因為只有保姆(Lyn), 怕支持唔住, 所以特邀女麻女麻幫拖。

第一日, 因為M&B要神咁早出門, 所以出發前拍醒保姆同屋妹瞓。
原來計劃係保姆同屋妹瞓, 蛋姐同女麻女麻瞓。因為妹妹細個, 保姆比較熟悉, 容易處理。
但唔知乜鬼事, 第一日蛋姐放學後狂喊不止。

到晚上時, 保姆問屋妹: 你同邊個瞓呀? (in English)
屋妹: 我同女麻女麻瞓, 家姐喊, 俾Lyn Lyn同佢瞓啦 (in Chinese)

然後, 當保姆同蛋姐瞓時, 蛋姐同保姆講:
我自己瞓得喇, 你去做嘢先啦。(in Chinese)

唔怪得由細到大, 保姆咁錫蛋姐!

父母抽身一吓, 發現原來自己孩子係咁乖咁乖的。真好。
所以, M&B決定以後定期撇底孖寶, 自己去玩吓。