小學大作戰

不知不覺間，蛋同學已開始作戰。

總指揮：M
步兵：B

自上年開始，M已部署蛋同學到心儀的學校，進行小一新體驗。做埋學校義工，因為M是該校的舊生（正確來說是上午校的舊生，與分拆上市的下午校沒有關連，校長都說咁樣的校友，係唔會加分的），以為十拿九穩，點知收料說，面試負責人鐵面無私，唯才是用。

於是M展開系統的部署，考私校，玩原區抽獎。可惜香港適齡小童突然大增，竟然所住地區也有人滿之患，於是只有南下。正所謂，位失求諸南。

今日是自行收生的第一天派發表格，也等唔住，即刻撲去攞表。

今個星期六開始，蛋同學便親手參觀不同學校，不過佢個人過眼雲煙，會否記得自己去過什麼學校，學校是什麼模樣。

上一年，跟她去參觀過一間心儀學校，此校已設定為目標學校之一。她只記得學校有棉花糖食．．．．唉！佢會記得什麼呢。

依家開始明白當年麥太生麥兜時同個膠兜說，唔需要靚仔，唔需要聰明，唔需要．．．．最緊要夠運。
對住蛋同學這個人，或者真係要夠運。

不過，M都繼續不斷的鍛鍊佢，喜歡畫畫，讓她多點嘗試，參加比賽，畫展，希望佢練習一身不死之技能；培養她閱讀興趣，以後咩書都可以生吞活剝；自小教她背三字經，奠下語文基礎（雖然仍然停留前幾首）；平時多聽英語兒歌，鍛練耳朵；愛天父，修心修德。

老實講，為人父母者，MB都係一個懶散人，沒有好好催谷，由星期一學到星期六，或者希望她有多點空間發揮所長。