我都肥架

屋妹自小珠圓肉潤，鐘意性感衣著。但近月成日病，咳到人都瘦埋。

屋：媽咪，我無晒裙啦。
Ｍ：咁買過囉。但就嚟冬天啦，唔著得裙，等夏天先啦。
屋：好嘢，我要自己揀。
Ｍ：係喎，家姐有好多裙，咁靚，唔好咩？
屋：......家姐啲裙好熱架。
Ｍ：你鐘意吊帶呀？但你病到瘦晒，著得唔好睇架。唔驚，冬天食多啲嘢，肥番就得。
屋：其實我唔講嘢果陣，面珠都好肥的。

笑死。