小一奮戰記(1)

報告一下屋妹考小學情況先。

雖然，屋妹有蛋姐既同情分，但畢竟蛋姐係私校，又有鬼咁多幼稚園生直升，以屋妹唔多掂既表現，都係要 warm up 一下先。7月5日，第一場面試正式開鑼！

咦，上圖點解屋妹無晒心機既？唔通考試唔識？

佢係啱啱 in 完出嚟, 垂頭喪氣，真係大吉利是。

事緣係：屋妹被人打。。。。

根據佢既轉述，玩完拋豆袋後，身邊有位小男孩大力揼佢隻手，唔知講咗一堆咩話。佢自己檢查過隻手無乜重傷就原諒咗個男仔。點知，轉個頭又被另一男孩排隊打尖。雖然佢話份卷好淺，但因為被人打，又被打尖，所以好易受傷既屋妹無晒心機咁完成第一輪面試。