新春行大運

年初一，沒有全力兔，也沒有轟轟戰隊。
一家四口草草決定來一個新春行大運，暢遊大埔區內超級的超級市場。
沿途所見，盡是以五顏六色的彩盒，堆砌了一堵又一堵的圍牆，上刻有什麼的快樂糖、福字面、十字餅、熊人酒等，真是花多眼亂。
蛋如入寶山，異常雀躍。左穿右插，推車仔，游游．．．．
屋如進夢鄉，一直於M懷中，瞇瞇眼睛，瞓瞓．．．．

兩姊妹只要有特別的靚仔哥，即時目不轉睛，在M記如是，星記如是。前者，亞屋妹本來試吃著M記餅餅，點知失驚無神，後面枱來了三個斯斯文文的四眼靚仔，食吓望吓，搞到好唔得閑，幾擔心佢fing吓fing吓，頭都暈埋。後者，亞蛋又係食食吓o個陣，見到個斯斯文文，著晒老西的小帥哥，竟然失晒儀態，不單止頭擰擰，而且緊張到頻頻挖鼻泥，真係失禮人前。仲有見到一個面珠肥嘟嘟的姐姐，著了一條連身裙，裙身有一個丁屎咁大的公主公仔，竟然目不轉睛望了好耐。真係．．

不過，這次新年行大運，兩寶真的盡興而歸，未到門前，已經呼呼大睡了。