好姊妹

昨晚星期天, 已經鬼咁多嘢做。屋妹仲响度找碴, 開咗自己個衫櫃桶, 張啲衫丟晒出嚟。

當她丟了5, 6, 7, 8, 9件時, M嚴正地警告她。
M: 我睇吓你丟到幾時!
屋妹枱頭望望M, 然後繼續丟, 手好快, 將1/2個櫃桶的衫都丟晒出嚟。
B: 妹妹唔好丟啦, 夜啦, 瞓覺啦。
M任她做, 因為這是自由放任的社會, 應該給她做壞事的選擇權。不過, 最後給M打了一身, 如果唔係, 就不需要有警察了。

平時個樣咁純品, 做壞事時個樣會跩得咁緊要, 真係估唔到。

蛋姐見嚎哭的屋妺, 馬上挺身而出（本來在B的身後邊。B在幹什麼? 當然是負責收拾衣服, 一件件摺回去）
蛋:（細細聲）媽咪唔好打妹妹啦。
M:（大大聲）佢跩跩喎。
蛋: 唔好打啦。

M見蛋咁乖, 條氣即刻順晒。不過, 都要訓示屋妺。
M: 你睇你, 成日搶家姐啲玩具又搣爛家姐啲書, 家姐都同你求情。（當然屋仍在嚎哭中）蛋錫返妹妹, 叫妹妹唔好喊啦。

蛋露出憐憫的笑容, 攬住屋妹。當然, 屋妺見到蛋姐就開心, 兩個攬頭攬頸, 錫來錫去, 互道晚安, 各自瞓覺。

M有個咁乖0既囡, 真係好開心, 諗極都唔明白, 係前世積0既福? 定係B前世積0既福? 唔明白, 最後搞到失眠, 第二朝頭痛!!