惡霸妹

M:話說睡前, 蛋黃要聽貝兒故仔, 我就抱住飲緊奶奶豬0既屋妹去蛋黃床度講
M:點知, 屋妹心散 (其實又係因為無乜奶奶), 郁來郁去, 又想坐, 又想飲奶, 又話便
(轉另一便奶奶豬)
後來, 想坐响我同蛋黃中間
但好迫, 坐唔到, 其實蛋黃都有讓一讓佢坐開少少
M:屋妹佢坐唔到, 一巴打落家姐度
家姐無喊, 無打返佢, 但唔開心, 無出聲
我厲聲道: 做咩打家姐, 我叫咗你好多次唔准打家姐

然後打佢手仔
M: 佢居然學人喊
我繼續鬧到佢狗血淋頭
叫佢: 仲唔同家姐道歉
屋妹不敢迨慢, 馬上扁咀同家姐講: 唔住
仲主動撲過去錫返家姐
家姐都好, 原諒佢
M: 我就同家姐講: 蛋黃姐原諒屋妹啦, 屋妹唔識嘛
又同屋妹講: 唔准再打家姐吓
屋妹就答: 知

大家繼續聽貝兒故仔