嗚嗚......我好掛住爸爸

話說，為咗要幫蛋升呢，成為一個立小可愛，進行狠心大特訓（對Ｂ而言）．．．．．．．自己一個人睡。

真係好可憐，自己一個人。

有時被逼一個人睡，只可獨自飲泣。真係好可憐，又俾Ｍ鬧，唔好嘈醒屋妹。真係．．．．

這是上星期，M送蛋返校途中。這天蛋黃笑得好甜好開心,引發起以下對話:
M：點解咁開心
蛋：B噚晚同我一齊瞓
M：咦, 奇怪喇, 噚晚又無行雷, 點解B同你瞓0既?
（因為前幾晚，因為行雷，M特准B可同蛋黃睡)

蛋笑笑口, 甜絲絲咁話: 我驚吖嘛
M：噚晚明明係你自己瞓故喎。我知喇, 可能係蛋黃驚驚, B感覺到, 然後馬上過嚟陪蛋黃瞓

如是者，蛋黃聽到後，笑笑得好鬼甜。
以下是M的形容：甜過蜂蜜糖漿