我企响出面唔開心呀

噚日過完年第一日返學, 新春團拜。各班小朋友表演節目, 家長看得開開心心, 相機, v cam 週圍飛。

第一班表演係蛋姐, 順利完成。
第二班表演係屋妹。

之前, 見屋妹班出嚟, 唔見屋妹。M即刻飛過去問老師, 原來係排洗ing。途中撞見屋妹, 屋妹興奮地大叫 "媽咪"。好有精神。

但出去表演時, 屋妹企响度, 無晒表情, 頭望望又唔做動作。十分奇怪。

後來回家M問屋妹, 點解唔表演
屋: 我企响出面唔開心呀。
M: 點解唔開心呀?
屋: 妹妹見唔到媽咪唔開心呀。
M: 吓, 你見唔到我架? 我好努力同你揮手喎。你無見到爸爸咩?
屋: 無呀, 妹妹見唔到媽咪同爸爸唔開心呀。
(因為B掛住拍片, 無同屋妹交流, 屋妹見佢唔到。M則被人群掩埋, 看不到)

估唔到屋妹平時成個惡霸咁, 原來係咁delicate的。唉!