“轟隆”一聲

“轟隆”一聲。
兩點四十五分。

蛋姐從床上跌左落地下，口吐鮮血，跟住喊。阿B即刻抱起佢，摟到實一實，跟住阿M俾左杯水佢，阿B跟住同佢用水洗吓啲血，可憐寶寶。

恐防跌親個腦，今日休學一天。

朝早阿M，同佢BOOK左睇牙。

蛋姐好敢勇，自己坐上張電椅，俾醫生檢查。隻門牙上面啲牙肉腫左。門牙與隔離隻牙有啲郁。見到有裂痕，不過唔知有無撞親啲神經線，牙醫話唔係即刻可以睇到，照一照ｘ光先。好彩無撞親佢隻恆齒。嘩！佢隻恆齒有佢家陣兩隻牙仔咁大。

第一次照x-ray，關埋隻門，蛋姐有點不知所措，提起頭望一望，照唔到。

第二次照x-ray，醫生叫阿B留底，唔好走，按住蛋姐個頭，由得你吸吓啲輻射。不過成功眨眼間，搞掂。

不過都要小心啲睇住佢，因為發炎唔係即刻，可能過了一陣子才發出來。這兩三個星期，要密切注意。如果門牙好上面的牙肉有白色腫起，有可能係發炎的跡像，小心。如果太厲害要將這隻小牙提前人工拔走。

因此，醫生話如果唔放心，三個月再去檢查。

〔這個都是阿B在深夜裏於飯廳工作，沒有做好安全措施，便讓爛瞓蛋一個人睡在房裏，肆意的三百六十度轉轉，最後“轟隆”一聲。
蛋姐同嫲嫲講：阿B跌過我兩次，都唔小心〕